尋晚爸爸媽咪出街食飯兼買禮物俾就黎生日既表叔,同埋買Thomas車車俾軒軒表哥仔,咁緊係唔少得買野俾我啦!爸爸媽咪買咗對涼鞋仔俾我(話遲d帶我去游水喎!聽住先啦!),買咗個麵包超人三合人屎坑(個sale屎姐姐話1歲開始應該試吓用,習慣吓喎!),仲買咗心心表姐至「飛佛」既嘢呀!即係嘜嘢?睇吓你咪知囉...
歡迎大家黎參觀我既私竇....
呢個係我個私竇既門口,我係咪同佢好似樣呢?
你哋唔好以為我個竇好細....
响另一邊門口影過黎,個內籠好長架!
哈哈!其實我既私竇就係一個微型波波池!
快啲栓門,唔俾媽咪入黎....
我個波波池成個帳幕咁架....
心心表姐好鍾意帳幕架喎!唔知佢幾時得閒入黎同我玩呢?
Yeah!我最鍾意波波....
匿响入面玩,媽咪睇我唔到,咁曳曳都唔驚啦!
Hahahaha!真開心!
咦?點解帳幕頂有個窿既?
嘩!响個窿窿度裝人!媽咪你好奸呀!
好彩我淨係玩波波,冇嘜點曳曳啫....
只係間唔中吼媽咪唔覺嗰陣'lam'吓個波波咁啫!
媽咪一睇到,咪扮若無其事囉....
媽咪想將所有麵包超人既玩具擺晒入黎,不過唔係咁夠位。
我好鍾意大力咁拋啲波波....
真係超好玩....
心心表姐,快啲黎我屋企陪我玩la....
後記:歌頌...爸爸...
歌仔成日唱「世上只有媽媽好」,其實爸爸都應該俾人歌頌既!就好似我爸爸咁,雖然佢成日話我:「咁曳,就快打你架喇」,但查實佢係好錫我架!好似復活節假期既時候,爸爸想買隻小蜜蜂俾我,媽咪話我已經有一隻,叫爸爸唔好買,爸爸就話:「買啦!阿b鍾意呀!」又好似尋晚媽咪買波波池既時候有一刻既猶豫,因為驚擺咗個波波池之後個廳冇晒地方,爸爸就堅持要買:「唔緊要啦!我諗阿b實好鍾意玩啫!」爸爸講完呢句說話,媽咪先即刻扑槌話買咋!仲有佢成日話要努力啲賺多啲錢養我皓皓bb、抽多啲時間陪我皓皓bb....爸爸,雖然你仲未賺到好多錢,不過你既心意,我完全收到架啦....
沒有留言:
張貼留言