開心體驗~~part 3(完結篇)

又話爸爸放4日假，點解會係完結篇？因為爸爸第4日假賣甩我，淨係同媽咪出去玩．．．．不過唔緊要啦！佢哋好快又會有假放，到時又會陪我周圍去體驗好多、好多新鮮既野；陪我一齊嘗試好多、好多既第一次．．．．

4月11日(星期六)

呢日就犀利囉！我經歷咗人生中兩個既第一次－－就係第一次體驗踩(其實係坐)單車既滋味，同第一次體驗打韆鞦既滋味．．．．而地點就係．．．．西九龍海濱長廊．．．．

     

      等陣間要用好多體力，等我食定多啲野儲定啲能量先．．．．

     

      呢架就係我部烈火戰車！

     

      但係坐前面呢個位好似唔多穩鎮喎．．．．

     

      爸爸你抱住我渣車？掂唔掂架你？

     

      嘩！唔得呀！我好驚呀！

     

      心心表姐坐埋落黎咪仲牙煙？有冇人黎救我呀？

     

      好彩救星及時出現．．．．

     

      我始終對爸爸既能力同渣車技術有啲懷疑．．．．

     

      係囉！心心表姐你自己踩一架仲好啦！坐爸爸嗰架你唔係好著數架咋！

     

 

睇啲頭髮就知，詩詩表姐係斯文淡定型；心心表姐就係衝鋒陷陣型。結果係，心心表姐拼得滯，拼到連人帶車衝咗落草叢堆．．．．

踩單車踩到中途，竟然有個公園仔，於是停落黎玩一陣．．．．   

         

         第一次玩，好緊張！

         

          等．．．等．．．唔好fing住，我未準備好．．．

     

      嘩！心心表姐fing到好高呀！

     

      黎啦！爸爸媽咪，可以開始喇！  

     

      驚驚．．．驚驚．．．但係又好刺激．．．

     

      媽咪，help！爸爸越fing越high呀．．．．

     

      對住公園係一個超級無敵大海景．．．．   

     

      後面唔單止多船船，仲有好多我鍾意睇既雀雀飛過．．．．

呢日真係開心喇，有爸爸媽咪、芬姨、英姨媽、心心表姐同埋詩詩表姐陪我一齊踩單車、打韆鞦，爸爸媽咪，你哋下次放假記得同我再黎過喇喎！爸爸，我都知架車超級重，你仲要踩得咁快添，辛苦你啦 ！