呢個復活節，媽咪有6日假，所以爸爸都攞咗4日大假，諗住帶我皓皓bb四圍去玩吓。玩完三日，我哋都攰到飛起，爸爸仲呻話放假辛苦過番工添！不過我深信佢呻還呻，其實呢幾日佢都好開心。
4月9日(星期四)
爸爸媽咪帶我去咗一達佢哋好耐冇去過既地方－－就係沙田喇！佢哋以前成日去呢達地方行街街架！咁耐冇去，發覺好多野都唔同晒．．．．而我响呢度，第一次體驗坐船仔既滋味！
我係穩鎮派，搭巴士既時候兩隻手仔都要扶到實，唔駛慌我會跌。
去到第一件事就係．．．．醫肚！不過啲野食就認真油麻地！
未行街街買野之前，入史諾比世界影吓相先！
不過其實我唔係咁鍾意影相．．．．
我仲差啲俾啲亂跑亂跳既哥哥撞到跌親添！好彩我係穩鎮派，扶得穩咋！
唉！得啲公仔，有嘜好玩？
阿b開始唔係幾耐煩．．．．你哋睇吓佢個樣．．．．
卒之爸爸媽咪買我怕，即刻同我去坐船仔，坐完就即刻走人。
呢隻就係我坐嗰架船船喇．．．．
點解爸爸唔一齊坐？因為佢超重囉！
講笑咋！其實係架船只可以坐兩個人．．．．手抱都計架！
咪睇我木無表情，其實我不知玩得幾開心！中途見到後面背景啲識郁既公仔，仲想上岸玩添！
呢張我真係嬲緊架！點解？
因為媽咪唔俾我上岸囉！
坐完船仔，我哋去行街街買野！
呢度有我鍾意玩既搖搖木馬．．．．
雖然隻木馬係粉紅色，好女孩子．．．．不過唔理，照玩！
媽咪，你笑嘜啫？又冇寫明男孩子唔俾玩！
嘩！仲有我鍾意玩既轉轉轉．．．．
咦？咦？咦？
數目字呀，媽咪！
阿b又發揮佢既小股神本色啦！
今日都幾開心，有得食，有得玩，爸爸仲買咗件玩具俾我添！係嘜野？第日至話你哋聽．．．．如果記得既話．．．．
沒有留言:
張貼留言