我要做火箭Ronnie O'Sullivan ~~~

5月6日(星期日)

4月尾至5月頭係 World Snooker Championship
2012，話說爸爸不嬲都鍾意玩snooker，而媽咪俾爸爸薰陶，亦愛上咗呢個玩意～～自從n年前媽咪响電視見過火箭奧蘇利雲1Q147度既神乎其技Q法之後，就將佢視為偶像。。。。。。今次世錦賽，爸爸媽咪一得閒就齊齊坐低睇直播，睇得多，攪到連皓皓都愛上咗睇snooker，仲鍾意扮個旁述講嘢，笑屎爸爸媽咪～～

而睇snooker時，皓皓好多時都會技癢，攞自己份桌球玩具出黎篤埋一份，玩玩吓又會嘟起個咀問爸爸媽咪：點解佢哋嗰啲咁大？ 然後望住自己份桌球玩具講：我嗰啲咁細？眼神語氣都充滿羨慕。。。。。。於是乎呢一日，媽咪就拜託標標舅父，幫媽咪响佢屋企既會所book咗一個鐘既波枱，俾皓皓一嘗「大」既滋味！



未去到會所之前，媽咪同皓皓講話俾佢篤真既波波，佢幾興奮呀！睇得出佢超級超級期待。。。。

開波前同軒軒表哥影番張相先～～

開波喇～～～～
礙於波枱太高，Q棍太長，所以恩准皓皓爬埋上枱篤。。。。。Wakaka～～～～

玩完一輪，軒軒表哥見自己篤極都篤唔到，就放棄咗，坐去梳化度玩ipad～～
諗住皓皓都夠皮啦，應該輪到媽咪同舅父篤喇，點知。。。。。
皓皓係都要痴住張波枱邊咁氹氹轉，猛扭計：我仲要篤！我仲要篤！



終於鬥皓皓唔過，俾佢上番枱。。。。。
真係估唔到，皓皓真係咁熱衷篤波，即使表哥表姐唔陪佢玩，佢都冇所謂，
响張枱度爬黎爬去，爬咗半個鐘，不斷將啲波撥落個窿度，haha～～

篤完波，去平台公園玩一陣。。。。

百厭星軒軒表哥話要匿响側邊嚇sir緊落黎既皓皓～～

幾個小朋友响公園跑黎跑去，玩到忘晒形，叫極唔願走！



為咗慳水慳力，又登多幾輯五月份既相先～～～

5月1號，冇嘜特別嘢做，又走咗出CSW行街同食壽司～～

喪鍾意食SUSHI既皓皓食咗14舊。。。。

食完嘢行吓H&M～～～件外套隻色媽咪都幾鍾意，價錢又平，就買咗佢啦～～

屋企個鞋櫃已經成為皓皓御用既巨型貼紙簿，而家個櫃差不多俾佢痴滿晒。。。。

係咁迫媽咪同佢玩ANGRY BIRD～～

皓皓手上既迷你投映燈係响商場用＄１彈波波嬴番黎既，盞燈仲可可以投射出一隻灰太狼，cute cute～～

5月7號，BOBO表姑姐生日前夕，我哋同表姑姐食飯，仲買咗個蛋糕慶祝添。。。

5月12號，出尖沙咀食完lunch，去咗中間道個公園玩～～

同爸爸笑容一致～～

不過皓皓都係鍾意同心心表姐玩多啲。。。。

心心表姐九月升中一喇，唔知仲會唔會咁有耐性陪皓皓玩呢？

好耐冇吹過bubble lu～～

玩咗一個鐘左右就要走喇，因為心心趕住去文化中心聽音樂會～～
表姐聽完音樂會要做一份report，嘩！而家讀書真係幾辛苦架，鬼死咁多功課做。。。。。
諗到第日要guide皓皓讀書做功課，頭痛！

沿住海邊行過文化中心～～

如果唔係陪心心表姐去文化中心，我諗我哋都唔會特登黎行吓呢條星光大道～～

芬姨同表姐聽音樂會，爸爸媽咪同皓皓就去海港城行街街。。。。

母親節前夕，碼頭既巨型宣傳牌每隔一段時間就會彈出：Happy Mother's Day！

仲係中英對照添～～～
雖然已經過晒氣，不過都要送俾天下間所有媽媽：母親節快樂！