復活假part 3~~大浪西灣宿營記day1

4月6日(星期五)

嘩！都唔知幾耐冇去過宿營喇！爸爸媽咪拍拖嗰陣都間唔中入長洲宿營既，不過都已經係N世紀之前既事lu！今次去camp，其實係喬契爺吹雞既，佢不嬲都熱衷宿營露營呢啲玩意；幾個月前，佢就'溜'我哋成班人入camp玩，當時媽咪冇考究過大浪西灣係咩地方，只係聽到'宿營'兩個字，腦海裏就諗起小學時代嗰啲嘜嘜物物度假營，諗住嗰啲度假營嘜嘢設施都有，應該都啱皓皓玩既，所以就應承咗喇！

當然媽咪都唔係完全冇顧慮過，都有叫爸爸問喬契爺：嗰度啱唔啱咁細既小朋友玩架？交通方唔方便呀？駛唔駛行好耐呀？間房係點呀？etc etc既問題。。。。得番黎既答案全部都好正面。殊不知。。。。。。事實係原來同小學時代既宿營相差十萬九千里架～～

喬契爺同Bear Bear契爺渣車載大家入到西貢西灣亭，就要泊低架車，然後大隊行山路入大浪西灣。。。。。

最初問既時候話落車行十幾分鐘就到，但係一路行呀行，行極都望唔到家鄉，不禁心裏一沉。。。。

行呢段路，睇怕最開心嗰個莫過於有無窮無盡精力既心心表姐～～
心心表姐恨行山恨咗好耐架喇，今次終於如願。。。。
不過平時無做開運動既媽咪就行到扯晒蝦。。。。唉。。。。究竟到未呀？天呀！

好彩天氣清涼，又唔曬，如果唔係媽咪睇怕要call直昇機
其實。。。。沿路既風光都幾靚既～～～

望到呢個牌諗住到啦，原來仲有一條又長又斜既梯級。。。。
行咗半個鐘有多，皓皓都頂唔住要扭抱喇；媽咪自身難保，唯有辛苦你啦，爸爸！

終於到喇。。。。除咗有幾間餐廳，只係得個超級無敵大海灘～～
可能係天陰落雨既關係，個海灘無想像中咁靚～～

入房擺低啲嘢，就响其中一間餐廳度開餐～～

等食中。。。。。同哈哈哥哥好friend，成日情深款款咁攬攬同對望～～

食飽飽，大家換條短褲落灘玩。。。。
心心表姐難掩興奮～～

一陣一陣風吹埋黎，加上落埋雨，其實真係幾凍吓。。。。。

媽咪冇諗過會咁凍，帶唔夠衫俾皓皓呀，唯有著埋雨褸，擋雨之餘又擋吓風～～

行去近海既石堆度摸蜆，但係細膽豬皓皓驚驚，唔敢行埋去～～

咁就行番入少少，玩吓沙玩吓水算喇～～

媽咪寫咗個皓字，哈哈媽就响隔離寫日期，之不過。。。。
哈哈媽咪寫錯日期呀。。。。媽咪影既時候都覺有啲唔妥，影完先發覺原來佢將4月6號寫咗5月6號呀！

爸爸同心心表姐佢哋原本係摸蜆，但蜆唔多，於是改為捉蟹仔～～～

心心表姐勁開心，捉咗好多蟹仔玩。。。。

玩完番房沖個涼，同皓皓瞓一陣覺，就到BBQ time喇！

第一次BBQ燒乳鴿＆燒田雞～～

輝契爺隻乳鴿燒得好靚呀～～



當然唔少得大家都鍾意既海鮮啦，yummy yummy～～

大浪西灣宿營記Day 1完，待續～～