第一日我哋淨係留响氹仔玩,到第二日呢,就打算過澳門半島嗰邊行吓。。。。
今次買既package,係包埋酒店早餐同lunch buffet,所以我哋呢日朝早都係响酒店hea吓游吓水,再食埋個lunch先至慢慢過澳門半島嗰邊玩~~
朝早起身,落泳池游水~~ |
不過呢度既泳池削到不得了,一啲都唔靚,又細。。。 |
最初其實都想book銀河,貪個人工沙灘嘛~~ 下次再嚟一定要試吓~~ |
不過有水玩,皓皓都收貨喇~ 你睇佢。。。幾嘆幾爽~~ |
不過泳池咁細,爸爸媽咪都冇嘜心機游。。。。 |
所以游咗一個鐘左右就撇~~ |
返房沖身,攤抖一陣~~ |
一夠鐘就去食buffet喇~~ |
甜品好吸引呀~ |
仲有燉奶添,正~~ |
唔駛錢,食物款式頗多,算係咁啦~~ |
食完buffet,搭的過澳門半島。。。 第一站就係去科學館~~ |
澳門科學館多嘢玩已經聽聞咗好耐, 所以媽咪一早就想帶皓皓嚟玩~~ 一入到去,就見到凱撒大帝展覽, 爸爸同心心表姐都好有興趣, 咁就睇咗先啦~~ |
睇完展覽,第一時間嚟到兒童樂園廳 |
事關呢度可以著工作服戴安全帽扮建築工人~ |
超好玩。。。。。 十足現實版既Bob the Builder咁,好搞笑~ |
首先合力運啲磚去起重吊機度~~ |
然後吊啲磚上工作台。。。。 |
用啲磚砌牆起樓~~ |
皓皓玩得勁開心~ |
不斷上上落落,搬磚砌屋~ 最可惜係呢度有高度限制, 心心表姐唔可以入嚟玩吖~ |
皓皓玩Bob the builder玩到唔捨走, 爸爸媽咪要猛咁氹佢走~~ 然後嚟到科學廳~~ |
科學廳係一個水世界, 畀小朋友透過玩水了解水如何產生動力~~ |
仲有好多小遊戲玩~~ |
@科學快車廳~~ 呢個館既焦點當然係呢架大火車啦~~ |
另一個皓皓玩到唔願走既展館~~ 運動健康廳。。。 除咗籃球,仲有其他考你體能既運動機~~ |
模擬飛機駕駛~~ |
最頂一層行出去有個展望台~~ |
皓皓企既位置有嘢玩架, 就係講嘢會聽到好大既迴音, 但其他人聽唔到既~~ 皓皓覺得好神奇~~ |
玩完科學館都三點,跟住搭車過大三巴~~ 沿路經過觀音像~~ |
到此一遊相~~ |
好熱,要嘆番杯雪糕~~ |
唔係好想行,不過一場嚟到, 都上到最頂逛一逛~~ |
跟住我哋做咗件超級on居既事。。。。 就係行咗上炮台睇~~ |
on居on在,上到去,我哋至發現。。。。 原來响大三巴係有自動電梯上嚟博物館既~~ 而炮台就响博物館外。。。 |
咁辛苦行上嚟,影張相留念吓啦~~ |
話說咁樣行一行,大家都攰到七彩。。。。 本來媽咪仲諗住去十月初五街逛吓, 同埋周圍買吓手信。。。。 不過又熱又攰,我哋終於去番氹仔等上船~~ 上船前,响酒店food court食咗個大利來既豬扒飯, 一啲都唔好食~~ 媽咪估係food court既關係, 質素同餐廳既應該差好遠~~ 兩日一夜既馬交之旅咁就結束喇, 雖然同已往既暑假旅行差好遠, 不過都幾好玩吖~ 馬交遊Day 2完 |