8月12日(星期日)
Day 4(part 2)：夏の水祭 @ 城島高原 Kjima Kogen Park
第四日下半場，繼續留响城島高原。。。。。
呢個遊樂場其實都幾多嘢玩，刺激既機動遊機固然多，親子既玩意都唔少；最有意外驚喜既係。。。。。原來佢响暑假期間仲有個特備節目，簡直好似係為皓皓度身訂造咁～～
暑假限定：夏の水祭
Day 4(part 2)：夏の水祭 @ 城島高原 Kjima Kogen Park
第四日下半場，繼續留响城島高原。。。。。
呢個遊樂場其實都幾多嘢玩，刺激既機動遊機固然多，親子既玩意都唔少；最有意外驚喜既係。。。。。原來佢响暑假期間仲有個特備節目，簡直好似係為皓皓度身訂造咁～～
暑假限定：夏の水祭
search資料嗰陣見到官網放出黎既相，已經覺得超吸引～～
開放時間指定响七八月，難得喎。。。。梗係要去玩啦！
食完buffet，即刻入場（呢個場都係pass唔包既，500yen一位，大小同價）！
個場真係好正，唔單止小朋友，連大人都玩得好開心呀！
唯一隱憂係。。。。。個天真係好黑，好似隨時有暴風雨來臨咁樣～～
唔理得咁多喇，照玩啦！
呢個微型滑梯唔啱你玩架喇，阿仔。。。。。
後面有座大型滑梯呀，應該好好玩。。。。但係細膽豬皓皓唔敢sir呀～～
不過佢淨係玩呢啲射水柱已經玩得好happy～～
又或者响個池度跑來跑去，已經喪high～～
勁happy～～
勁happy～～
越玩越大膽，竟然敢企响度等啲水淋落黎。。。。。。
更加估唔到係.........响爸爸既鼓勵底下，皓皓竟然敢衝入去～～
突然遠處傳黎'轟'一聲，嘩，行雷閃電之餘，係睇住啲黑雲湧過黎，未落出雨，但已見啲人蜂擁走避，
果然，唔駛一分鐘，開始傾盆大雨，頃刻間，閃電暴雨聲，夾雜啲人走避時既呼叫聲，再加埋現場既日文廣播(又唔知佢講嘜，只見啲人好似走難咁砰砰聲離場）。。。。。講真，嗰一刻個感覺都幾恐怖！
本來想等停雨繼續玩，不過見到咁環境，好似有啲不安；皓皓唔知係咪都feel到啲緊張氣氛，神色凝重～～
都係唔好喇，我哋都跟大圍衝入更衣室換衫離開。。。。。
換完衫，原本都可以响室內既地方再玩既，不過爸爸話驚越黎越大雨，到時要走就好呢hea。。。。。。
臨走，媽咪越諗就覺得越蝕，俾咗千幾yen，玩得嗰十零分鐘，於是膽粗粗，走去問counter個職員可唔可以退番入場費，
初初佢話唔得，不過後尾唔知係咪見我哋係遊客，竟然肯退番錢喎。。。。賺番千幾yen，yeah~~
搭巴士番到別府，皓皓已經瞓咗，我哋比原定既時間早走咗，最後決定。。。。
去大分行吓啲shopping mall啦～～
去大分行吓啲shopping mall啦～～
行到咁上下，皓皓就醒咗，啱晒喇。。。。。商場入面又有嘢玩～～
放完電，再去買吓衫買吓玩具，就行番出地面搵嘢食喇～～
覓食既時候，見到咁好笑既情景～～
五個後生仔趁綠燈既時候，衝去馬路中心影張咁樣既相，好搞笑！
事先冇諗過去大分，所以冇search定資料，唔知有嘜好食，
沿路見到間食壽司刺身串燒既鋪頭就盅咗入去。。。。。
一入去，皓皓就要求拆戰利品：六代既紅戰士～～
大分縣產：極太太刀魚，完全未聽過。。。。鍾意食魚既爸爸好有興趣，於是嗌份刺身試。。。。
嘩！超鮮甜，真係好好食～～
再order咗一份刺身三set壽司，所有料都勁新鮮，正！正！正！
今日好好彩，是旦盅入一間鋪，竟然食到咁高水準既嘢食，仲要。。。。價錢超平！
食咁多嘢，埋單唔駛七舊，平時一家人去食板長都要五百幾，真係好抵呀！
搭八點幾sonic番博多，番到去都11點幾lu～～
皓皓去旅行真係好玩得，盡得爸爸媽咪真傳
皓皓去旅行真係好玩得，盡得爸爸媽咪真傳
皓皓瞓咗，爸爸媽咪又要嘆吓水果喇～～
呢日行程，皓皓絕對係玩得好開心，即係話，爸爸媽咪既決定係冇錯既；
雖然我哋呢日冇得去長崎觀光，仲要用五個幾鐘搭車，不過見到皓皓既笑臉，都係值既～～
Day 4～～完
