8月12日(星期日)
Day 4(part 1)：Kids Driving School @ 城島高原 Kjima Kogen Park
Day 4(part 1)：Kids Driving School @ 城島高原 Kjima Kogen Park
九州之旅黎到第四日喇～～
呢日，原本想去長崎。。。。。响第二次世界大戰時，長崎係繼廣島後第二個被原子彈炸毀既城市，8月9日係原爆紀念日，爸爸好想去睇吓原爆既遺跡，睇吓有關既紀念物，睇吓原爆資料館內一啲活生生既紀錄(唔講唔知，其實爸爸對歷史係好有興趣既)。。。。。
不過去長崎既話，對皓皓黎講係幾悶既，因為長崎以觀光為主；後來我哋又發掘到城島高原遊樂場裏面有皓皓至like既玩意，响滿足自己定滿足阿仔既慾望之間掙扎，最後。。。。。當然係選擇俾阿仔玩得盡情啲啦～～
城島高原响大分縣，我哋最初無諗過會去多次大分，所以只係响別府book咗一晚酒店，而家。。。。。唯有即日來回博多同大分啦，車費就無蝕既，因為我哋有JR pass，係時間嘥咗囉！因為來回要五個鐘架，嗚。。。。。。
同第二日一樣，搭朝早七點嗰班Sonic express去別府站再轉亀の井巴士 ，
十點幾就黎到Kjima Kogen Park～～
入場有兩種收費，一種齋入場，一種係pass，本來pass任玩係抵啲，
可惜呢日我哋入場主要玩既嘢都係個pass唔包既，所以我哋買咗齋入場嗰隻票～～
我哋一入到場就落大雨，好彩呢度有個好大既室內玩具王國，裏面有林林總總既玩具，
簡直係小朋友既天堂！
不過皓皓玩呢個大型波波池＋跳彈床就要收費囉！
爸爸抱入樽，氹到隻豬仔勁開心～～
玩咗一陣，見開始停雨，我哋就即刻動身，媽咪真係好驚如果天氣一直差落去，
我哋呢日黎呢度既目的就泡湯架喇。。。。。。
咁緊張為嘜？之唔係為咗滿足皓皓渣車既慾望囉！
呢個Kids Driving School，真係製作認真架，帶大家一齊去睇吓啦。。。。。。
首先望吓個車場，係模擬真實既駕駛場境，有交通燈斑馬線，有路牌有油站，有停車場有交通督導員，
齋睇個場已經覺得勁好玩～～
跟住俾學費學渣車＆攞駕駛執照，盛惠1000yen～～
坐低影相for製作駕駛執照。。。。。
成班小朋友坐定定做嘜？
就係學渣車前要先上理論課，有導師講解仲有片睇，超認真！
原本專心致志聽書既皓皓開始顯得唔耐煩。。。。。
梗係啦，全程日文，勁無奈＋無助呀呀皓皓
莫講話皓皓，後面既日本小朋友都聽到'恰'眼瞓，wakaka～～
終於上完theory堂，有得渣車喇，yeah！
咪睇架車細細架，佢可以向前向後打燈踩油門，仿真度極高架！
真係不得不佩服日本人，佢哋的確好有諗頭～～
臨出車前講解吓路面情況。。。。。
出車喇。。。。。。爸爸指手劃腳幫皓皓指路～～
考完路試，等出成績，究竟呢個差啲撞車又衝紅燈既11號學神合唔合格呢？
成績揭盅：紅色字即合格，勁呀！
查實，只係俾小朋友玩既遊戲，又點會唔合格吖？
只不過幫小朋友營造吓啲緊張氣氛啫。。。。。。
查實，只係俾小朋友玩既遊戲，又點會唔合格吖？
只不過幫小朋友營造吓啲緊張氣氛啫。。。。。。
駕駛執照，好搞笑！
攞咗張車牌，再渣一次，600yen，咁樣玩真係好易窮～～
今次渣白色既～～
有咗一次經驗，呢次學人泊車，叻喎。。。。個位啱啱好！
仲要自己入油～～
玩完渣車，用咗咁多energy，好肚餓～～
去酒店餐廳食buffet，食物款式唔多，不過百零二百蚊一位，算係咁啦～～
自製刨冰～～
食埋甜品，又去下一場喇～～
完成咗第一個目標：渣車，究竟第二樣係嘜呢？下篇繼續講。。。。。
酒店門口擺咗架BMW，型！
Day 4～～待續
沒有留言:
張貼留言