復活假part2~~香港動植物公園

4月4日(星期三)

呢日本來要去拜山，不過皓皓又有啲咳，驚啲香燭煙味會令佢氣管唔舒服，所以由爸爸做代表就算喇！見冇嘜嘢好做，就問標標舅父佢哋有嘜攪作，舅父話軒軒表哥仔想去睇猩猩喎！於是乎我哋就去動植物公園逛吓，爸爸朝早拜完山晏晝就黎join我哋。。。。。

印象中，除咗好細個嗰陣之外，媽咪一直都冇黎過呢個公園，
香港公園就耐唔耐會去，但每次都過門而不入動植物公園，哈，點解呢？？

見人哋個個都影石獅子，我哋又影囉！好有去旅行時到此一遊既feel ！

睇吓動物，又去兒童遊樂場玩一陣！
唔經唔覺，軒軒表哥仔都六歲喇，開始換牙喇！

其實皓皓極度眼瞓，不過有得玩，都頂到一陣。。。。

 

玩咗幾個字就開始發難，話好攰，唔肯行。。。。

跟住就辛苦爸爸喇，要全程抱住皓皓睇動物。。。。。
其實都冇咩動物睇，全部都係馬騮呀猿呀猩猩呀，
不過佢哋幾個小朋友睇到啲馬騮捉住條繩fing黎 fing去打韆鞦，睇到勁開心囉！