阿b既模仿能力．．．．

近排，媽咪成日話我皓皓bb越黎越古惑，又越黎越鍾意模仿人哋既動作。呢一日，得我同媽咪响屋企．．

　　

　　個款好似好無聊咁．．．．

　　

　　其實打側個頭睇緊電視。

　　

　　睇睇吓電視响度玩口水．．．．

　　

　　坐學行車坐唔夠一陣又開始'lur'媽咪抱．．．．

　　

　　媽咪唯有抱我入房玩．．．．

　　

　　入到房繼續玩口水．．．．

　　

　　嘩！玩到幾大滴口水流出黎！

　　

　　打晒喊路，但係我始終都係唔肯瞓，媽咪都冇我符！

　　

　　詐詐第第玩吓隻小蜜蜂，其實我已經另有目標．．．

　　

左手交右手，跟住擘咗隻小蜜蜂，然後撲過媽咪度搶野．．．

媽咪俾我殺個措手不及，連相都影唔到．．．．

唔駛一陣間，我已經將我想要既野搶到手．．．．

　　

　　就係媽咪副眼鏡喇！

　　

　　呢副野點玩架呢？

　　

你哋睇吓！副眼鏡既縲絲位已經唔係９０度角，因為阿b強力咁將副睇鏡 'mak'大、'mak'大、再'mak'大．．．．

　　

　　粗暴對待完副眼鏡之後，想學媽咪戴眼鏡．．．．

　　

　　係咪咁樣戴，媽咪？

　　

　　好似高得滯，個位唔啱喎！

　　

　　擺番低啲先！但係又好似低得滯．．．．

　　

　　卒之都係戴唔到，副眼鏡仲'扇'咗落黎．．．．

　　

　　結果阿b發忟憎－－怒擲眼鏡．．．．

唔怪之得人哋話３歲之前係細路仔學野既黃金時間啦！睇黎媽咪都要開始諗吓係咪要俾你上吓playgroup喇！