呢兩個禮拜天色唔係太好，成日都落雨，再加上我皓皓bb病咗成兩個禮拜，可以話係陰霾密佈．．．．尋日，天色終於好番啲，而我皓皓bb都好得七七八八喇，所以尋日媽咪一放工，就帶咗我去樓下個公園玩；夜晚就出去銅鑼灣鋸扒，補番慶祝嫲嫲既生日．．．．
媽咪放工，即刻帶埋我架戰車同我落公園玩．．．．
一落到樓下就皺晒眉頭想跳車，點解？想媽咪抱囉！
正當媽咪心諗「又要抱阿b，又要推戰車，大鑊！」既時候，救星出現啦．．．．
就係天上面嗰幾隻bird bird喇！佢哋成功轉移咗阿b既視線．．．．
去到公園，例牌樣樣嘢都係三分鐘熱度，包括坐搖搖木馬，屁股仔都未坐暖就要彈起身！
‘sir’滑梯？更加唔肯玩啦．．．．
媽咪離開遠少少都已經喊到拆天，邊有男仔之家咁嗲架？
要數最鍾意玩既，始終都係呢個！
唯獨是玩呢個，肯俾媽咪行開遠少少．．．．
阿b真係對於一切識轉既物體都好有興趣．．．．
夜晚，我哋去咗銅鑼灣利舞臺附近鋸扒。
目的就係慶祝嫲嫲生日．．．．
快啲嗌嘢食啦，媽咪！我好肚餓呀！
未有嘢食，又冇嘢玩，悶爆！
冇嘢食，水都搶黎飲住先．．．．
太悶喇！紙巾都玩一餐．．．．
點解突然間會有玩具玩？
因為我成日同個侍應哥哥揮手say hi，佢終於抵擋唔到我既電力，要送件玩具過我．．．．
如是者，又有另外一個侍應姐姐落搭，佢送咗隻船仔過我．．．．
就係咁，我就做咗一個又有車又有艇既富豪喇！
附註：阿b好耐未試過'wer'到自己咁傷喇！大家睇唔睇到，鼻樑上面正中間有三達結咗焦既傷痕，真係可憐！
後記：曳曳罪證睇真啲
~~Bye Bye~~
沒有留言:
張貼留言