我和一班哥哥姐姐有個約會.....

上星期六(即係5月2日)，我同一班哥哥姐姐有個約會，以前其實約過２次架喇，但係因為開生日會既緣故(一次係人哋開，一次係我自己開)，兩次都唔成局，今次終於成事啦．．．．

　

　呢度就係我哋食飯既地點－－巴西燒烤。

　　　　

　　　　估唔到出黎食飯居然有禮物收喎！

　

　哥哥姐姐你哋做嘜咁客氣呀？咁我都唔客氣喇．．．

　即場拆開玩，玩到忘晒形．．．．

　　　　

　　　　不過點玩都好．．．．

　　　　都唔會唔記得食嘢既．．．．

　　　　因為我實在太鍾意食喇．．．．

　　　　

　　　　聞吓舊鴨胸香唔香先！

　　　　(註：呢舊鴨胸係我強搶番黎架．．．)

　　　　

　　　　唔－－味道 so good！

　

　雖然有得食有得玩，但係我皓皓bb既耐性好有限．．．

　加上睡魔急call，開始發忟憎．．．．

　媽咪嗱嗱淋同一班哥哥姐姐影張合照然後同我走．．．

　

　呀！仲未講呢班哥哥姐姐既身分添．．．．

　佢哋全部都係媽咪以前既得意弟子黎架！

 

　同場加映－－洗白白篇

　

　阿b真係好鍾意洗白白．．．．

　

　拎埋玩具入去洗白白固之然鍾意．．．．

　

　就算冇玩具，阿b都可以齋踢or拍水花而玩個不樂乎．．

　

　所以而家要撈阿b上水絕對唔係易事黎架．．．．

　

事關佢一feel到你要撈佢上水，佢就兩隻手仔捉實個池盆邊，好難搣得開佢隻手仔架－－因為佢真係好大力！

 

　　　如果唔想同佢鬥力，可以點？

　　　　唔鬥力咪鬥智囉！

　　　　　咁即係點？

　　　當佢捉實個池盆邊既時候，

　　　　你要扮未沖完．．．．

　　　　　若無其事咁，

　　繼續用毛巾撥啲水去佢身上，

　　　　等佢一鬆懈．．．．

　　你就用0.99秒既時間撈佢上水，

　　　　跟住阿b會點？

　　　咪狂喊囉！hahahaha．．．

　　　而媽咪呢，就勁開心！

　　　好似有啲變變地態．．．．