Moody....

星期五，爸爸媽咪諗住放工之後同我出街食晚飯，點知最後告吹；尋晚星期六，原本要同bear bear 熊契爺慶祝生日，點知最後要甩底；今晚係要同嫲嫲&太婆食飯補番慶祝母親節既，最後都係去唔成．．．．點解？咪因為我皓皓bb病咗囉！

     

      咪睇我好似冇嘜嘢，其實我呢幾日不知幾扭計．．．．

      註:你哋估吓我學緊邊個廣告？

   

又有少少燒，又流鼻水，又冇胃口，今日仲唔肯飲奶奶添！平時飲8安奶架嘛！攪到爸爸媽咪不知幾肉赤．．．．

     

      食藥再加退熱貼，隻管齊下．．．．

     

      雖然病，不過都無損睇廣告既興致．．．．

     

      呢！又有我呢期最'飛佛'既廣告睇喇，你哋究竟估到未呀？

     

      之唔係．．．．Dai-kin-kin．．．．大金冷氣，hahaha！  

     

      跳完舞，仲要開心到拍手掌．．．．

         

          睇完廣告，見到爸爸個魚缸底缸打開咗．．．．

          

           又即刻走過去攪攪震．．．．

         

          首先詐詐第第同爸爸媽咪揮吓手．．．．

         

          蹺起個pat pat望上面個魚缸．．．．

          

          趷起對腳仔，想點？

         

 

          咪就係想伸隻手仔入個缸度玩水囉！

         

          點知伸到盡都唔夠手長，掂唔到啲水．．．．

         

          於是乎好氣憤咁拍打個底缸．．．．

         

          終於俾爸爸喝停．．．．

         

          扮晒冇嘢咁响度奸笑．．．．

         

          阿b既強項----手指指，發出'唔．．．．唔．．．．'既聲音。

          作用？企圖轉移你視線囉！

阿b，你要乖呀！快啲好番！你病，攪到爸爸媽咪心都實晒！