呢排媽咪真係諗極都諗唔掂．．．．
事緣媽咪book咗7月既機票去日本，原本係零考慮，諗住一定會帶埋我皓皓bb去，因為要幾日唔見，爸爸媽咪實在太唔捨得我！
但係．．．．
嫲嫲唔主張爸爸媽咪帶喎！
佢話帶既話，大既又辛苦、細既又辛苦．．．．其實媽咪都擔心既，一來驚我皓皓bb响生保床唔肯瞓，二來又驚我有嘜水土不服咪大件事？
唉！諗唔掂，申請咗passport至算啦！
出去俾人影證件相，閃咗十幾吓，最後嗰間鋪頭幫我揀咗4張留底，而裏面其中一張就曬咗出黎去申請證件。你哋估吓係邊一張呢？
張張都冇笑容？緊係啦！扭緊計要走嘛！
講開證件相，媽咪就即刻諗起我皓皓bb出世既時候，醫院度都幫我影咗輯證件相．．．．
媽咪睇番呢張相，真係覺得好攪笑
．．．．啱啱出世，又細粒、個樣又楚楚可憐、沖完涼之後啲頭髮仔濕晒，好似隻俾人响水入面撈上黎既老鼠仔．．．．經過一年一個月零七日，變成今日古靈精怪既可愛豬仔
。生命真係好奇妙！
我都讚成唔帶。。。。最少３歲啦。。帶埋佢去就會開心Ｄ。佢又識玩你又無咁辛苦！ＹＡ。。。
回覆刪除[版主回覆05/07/2009 23:58:00]你都講得啱！不過真係會好掛住佢......
而家日本吾系有H1N1咩>??
回覆刪除[版主回覆05/11/2009 10:53:00]打blog嗰陣未知有確診個案,而家唯有睇定啲先啦！
你都係呀,母親節快樂！
第1個同俊銘一齊過既母親節,意義重大呀.......
原來你已經book咗機票啦, 而家日本有幾宗確診, bb咁細實唔肯帶口罩, 所以每到人多地方, 你哋就會好擔心啦, 咁樣都唔會玩得開心, 如果機票無得退返, 不如你倆口子去拍拍拖仲好啦, 如果我有個信得過嘅人幫我睇住Bosco, 我實自已去玩返幾日呀…哈哈!
回覆刪除[版主回覆05/13/2009 17:20:00]哈哈！你真係捨得Bosco？