願你生活愉快～～SA SA

上篇BLOG提到上個禮拜有兩件事唔開心，其一係皓皓嬲咗媽咪，其二就係SA SA要離開我哋屋企。。。。

SA SA 係我哋養既貓貓，最近因為某啲原因，要將佢送到媽咪朋友既屋企住。朋友屋企有三隻貓，佢覺得SA SA去到佢屋企會有伴，會開心啲。。。。上星期五，爸爸同媽咪去探過SA SA，其實真係好唔捨得，响SA SA走前同走後，媽咪都喊過好多次。

據朋友講，SA SA去到佢屋企無唔習慣，其他貓貓無排斥佢，相信SA SA同佢哋相處耐啲，都會好開心既。。。。講真，知道咁樣，個心先至好過啲，如果唔係，我真係無勇氣去打呢篇BLOG。。。。因為，無論係嘜嘢原因，都係我哋錯，我哋無遵守到對SA SA既承諾：照顧佢一生一世。

我真係好多謝我既朋友，佢令我既心無咁難受，亦正如佢所講，咁樣相信對SA SA係好既。所以我叫自己，應該用歡欣既心情去寫呢篇BLOG，用充滿盼望既心情去祝福SA SA以後既生活愉快美好～～

前一排媽咪成日同SA SA講佢將會去第二度住。。。

總覺得佢係明白媽咪既心意～～

SA SA一直都响一間房裏面生活，皓皓只係間中入房睇吓佢，

呢日係第一次放佢出黎，任由佢兩個接觸。。

皓皓有啲驚驚～～

不過始終有見開，所以好快就放膽摸摸SA SA～～

反而係SA SA驚咗佢，捐入梳化底。。。

皓皓肉緊到'扒'低裝SA SA。。。

呢張相好得意，兩個都好得意～～

諗到佢哋係第一次親密接觸，但好可能又係最後一次，

不禁唏噓

心心表姐都為SA SA離開呢件事喊過。。

呢日佢專登黎同SA SA say goodbye～～

 

SA SA，希望你快啲適應新環境，

食番多啲嘢，養番肥個身，

唔好再掛住Q Q喇。。