超級充氣嘉年華

7月16日(星期六)

前幾日芬姨話上網見到亞洲國際博覽館搞咗個超級充氣嘉年華，好似地方幾大幾正咁。。。。跟住爸爸有個friend都話帶咗個囡囡去玩，話超級好玩喎～～所以呢日趁爸爸放假，我哋就約埋芬姨同心心表姐一齊去喇！

其實入面係有好多座超大既彈床，入場分兩隻：百幾蚊任玩或者俾齋入場費然後逐個彈床另計。。。。媽咪諗住皓皓有心心表姐陪，應該會肯玩，咁梗係買任玩嗰隻抵啲啦，點知咁就捉蟲喇。。。。

都怪媽咪唔睇清楚啦！第一個排隊玩既彈床係最大型嗰座，

呢座有嘜問題？第一，就係佢真係超級彈，

簡直係彈到人企唔穩兼跌低咗之後好難起番身；

第二都係呢座嘢最多小朋友玩，佢哋超喪，真係亂咁衝亂咁撞，

對心心黎講，呢座彈床超好玩，但對膽小既皓皓黎講，就。。。

皓皓'sir'咗一次滑梯，就企唔穩；再見到媽咪又跌低咗，

就喊住話要走喇！唉。。。

真失策！第一個應該玩啲冇咁喪既。。。

好似呢個咁：一次只係放十個左右既小朋友入去，家長唔俾入；

咁自然無咁喪彈，皓皓應該接受到。。。。

可惜佢已經嚇驚咗，點樣氹都唔肯入去玩～～

淨係坐响側邊。。。。

咁～～～就嘥咗百幾蚊喇。。。

有免費tattoo，排隊既時候，心心表姐揀咗個福袋。。。。

福袋入面竟然有一包薯片，簡直係開正皓皓嗰瓣。。。。

唔敢俾佢食太多，大家嗱嗱淋搶晒，淨番幾片俾佢渣住黎食～～

輪到我哋喇，你估皓皓揀咗隻嘜嘢公仔？

就係小白兔喇！心心就揀咗貓仔狗仔～～

不過唔駛五秒，皓皓就覺得唔對路，面容扭曲咁叫媽咪幫佢搣咗佢！

佢自己卒極都卒唔甩，個樣超痛苦！wakaka，好攪笑呀！

最後芬姨用轉移視線大法。。。

買個車王氫氣球俾佢，即刻唔記得晒手上既tattoo，yeah～～

排完tattoo，為免心心張飛都嘥埋，決定分開玩，

心心玩彈床，皓皓就去玩攤位！百幾蚊入場淨係包玩彈床，

攤位要另外逐個逐個俾～～

第一個攤位玩騎馬仔，用pat pat un吓un吓，馬仔就會向前行。。。

皓皓玩到好起勁，卒之玩到反馬！

慢動作跌低，應該一啲都唔痛，不過超嗲既皓皓例牌喊一輪。。。。

當爸爸媽咪話唔玩走既時候，佢又即刻收聲坐番上馬～～

好明顯係想嗲吓爸爸媽咪啫！

跟住玩親子繪畫jam！其實想玩咗好耐，因為見皓皓都幾鍾意畫畫同做美勞，

不過媽咪又懶得搵機構黎報名。呢日咁啱有攤位，＄９８半粒鐘，

就俾佢玩啦！先揀５隻顪色。。。。

皓皓自己揀既５隻顏色～～

爸爸教皓皓點樣印啲顏色上去。。。。

跟住自己黎喇～～

第一次用水彩筆～～

皓皓將啲顏色溝埋一齊，所以攪到隻白兔啲色好恐怖！

不過唔緊要啦！皓皓畫得好開心呀！

遲啲真係要同佢報啲畫班至得～～

舉起件完成品，好興奮咁喎！

人哋嗰啲畫得好靚，hehe～～

坐低食啲嘢飲啲嘢抖抖先！

玩到咁上下，我哋就走lu！跟住黎咗東涌個outlets shopping！

呢個月啲＄真係好似倒水咁。。。旅行完番黎之後仍然喪買嘢，

睇黎要控制吓至得！

食埋夜晚飯就番屋企喇～～

今日雖然嘥咗百幾蚊，不過心心同皓皓玩得好開心，都值既！