皓皓4歲生日快樂！(續)

3月30日(星期五)

今日係皓皓既正日生日，因為之前已經同皓皓响婆婆屋企開咗個小型生日會，所以今日只係出去食飯慶祝就算喇。而今日咁啱幼稚園開３月份生日會，真係太好喇，撞正係皓皓既正日；為咗令皓皓番幼稚園開生日會既時候開心啲，媽咪特登製造咗個驚喜俾皓皓！嘜嘢驚喜？登登登登。。。。。。就係。。。。。。

 

皓皓呢期既至愛之一～～喜羊羊蛋糕喇！

皓皓見到個蛋糕勁開心呀～～

之前媽咪問皓皓想要嘜嘢公仔既蛋糕，皓皓話想要喜羊羊。。。。
真係有啲難度呀，普通餅店都唔會有架嘛～～

好彩有blog友Natalie既幫手～～
Natalie整既3D蛋糕真係好靚，上年既麥坤蛋糕都係Natalie幫手整既，
上年同今年，皓皓見到個蛋糕都好開心，多謝呀，Natalie！

皓皓，希望你鍾意媽咪送俾你既呢份驚喜啦！
呢個蛋糕有兩磅重，我哋俾皓皓帶番幼稚園開生日會，同其他同學仔一齊分享！

放學後，爸爸就帶皓皓出金鐘會合媽咪同埋心心表姐。。。。。

本來諗住去迪迪尼食buffet，不過爸爸嫌啲食物質素麻麻，卒之我哋去Conard食～～

其實媽咪覺得响邊度食都冇所謂，最緊要皓皓開心啫！

 

 

呢晚皓皓食咗粟米，湯粉，干炒牛河，sushi，棉花糖。。。。。真係抵呀～～
因為。。。。。皓皓唔駛錢吖嘛～～～

 

 

泳池側邊既BBQ，爸爸最鍾意食佢既漢堡～～

呢晚我哋仲見到林文龍同埋妙手仁心既程至美醫生（吳啟華）添，呢。。。。就坐後面呢張枱～～

夜晚我哋冇再買蛋糕喇，不過都有吹蠟燭。。。。。

 

例牌吹一次唔夠，又要點多一次俾豬仔皓吹。。。。



食完buffet番屋企，仲未肯瞓。。。。緊係啦，有新玩具玩嘛～～
呢份係爸爸送俾皓皓既生日禮物，都唔知點解會咁貴，要600幾蚊，
不過副玩具有水聲，有開爐煮嘢既聲，又會著燈，皓皓勁鍾意～～

 

生日帽係今日幼稚園送既～～

 

咪睇皓皓係男仔，其實佢真係好鍾意玩煮飯仔～～

仲要扮伙計問媽咪食嘜，然後煮俾媽咪食，好攪笑～～
除咗煮飯仔，其實爸爸媽咪之前已經送咗兩份禮物俾皓皓。。。。。

呢份係其中一份。。。。。正在同爸爸格鬥中。。。。。
可惜部機啲風力唔夠勁，玩得唔夠激～～



另一份。。。。武侍戰隊裝備～～
電視播完炎神戰隊，呢排又播新既武侍戰隊，皓皓一去到反斗城，就揀咗呢副玩具。。。。
日本啲嘜嘜戰隊，嘜嘜戰士，真係永遠不死。。。。

仲有芬姨送既呢塊畫板。。。。

一邊係白板＋磁石板，一邊係黑板，皓皓差唔多認得晒啲英文字母喇，
而家仲成日攞塊板學寫數目字添，呢份禮物真係唔錯。。。。。

另外仲有表姐們送既泥膠，皓皓都好鍾意玩，不過就唔記得影相。。。。
多謝大家咁錫皓皓，送俾佢一個好開心既生日^0^