老鼠仔,兩歲半喇！

9月30日(星期四)

皓皓bb兩歲半喇！

　　　　　　

　　　　

今日食lunch嗰陣去買咗個蛋糕，諗住夜晚同寶貝囝囝慶祝，因為老鼠仔皓皓佢今日兩歲半喇！同事問：兩歲半都要慶祝？其實．．．．係媽咪見皓皓咁恨吹蠟燭，又見聽日國慶假期，橫豎都想出街食飯，咁先至巧立名目話同皓皓慶祝啫

我哋呢晚去鯉魚門食海鮮，媽咪放工直接搭車過去，

爸爸放工就番屋企同嫲嫲&皓皓一齊出發，

去到之後第一件事當然去揀咗靚海鮮先啦！

因為爸爸佢哋塞車，所以黎到已經成八點，

媽咪個肚餓到打鼓。。。

皓皓話遮住唔俾爸爸見到喎～～

囝囝你唔會真係以為咁樣爸爸就見你唔到呀？

yeah！望穿秋水，終於有嘢食喇！

兩仔爺貌合神離喎。。。。

登特為皓皓嗌既炒班塊～～

皓皓食相連環圖～～

媽咪至愛～～象拔蚌刺身。。

仲有煮得好好味既鮑魚。。。

每次爸爸飲汽水飲剩少少俾皓皓，皓皓都會好開心！

皓皓叉起隻鮑魚影相，好似幫人賣廣告咁。。。　

食飽飯，到切蛋糕時間～～

個蛋糕好cute，有兩隻老鼠仔响側邊～～

媽咪一見到呢個蛋糕，就諗都唔駛諗買咗，

因為皓皓都係老鼠仔嘛！

皓皓一見到個蛋糕就好興奮！

唱生日歌。。。

皓皓最期待既時刻～～吹蠟燭！

開心到拍手掌～～

切蛋糕。。。

影張全家福先～～

侍應姐姐唔係好識渣機，影埋自己隻手指喎！

其實大家都好飽，所以只係切咗少少俾皓皓食～～

估唔到皓皓都鍾意食呢隻芝士蛋糕。。。

之後同皓皓影咗一大堆相～～

因為張張啲表情都好得意，唔想做取捨，所以post晒出黎！

皓皓，兩歲半，又大個仔咗喇！

媽咪而家已經盡量改緊口，唔再叫你阿b，

但係你响媽咪心目中，永遠都係一個可愛既bb