5月生日飯局

5月份，都幾多人生日～～
旅行前，分別同Bo Bo表姑姐同埋公公慶祝完；
旅行番嚟之後，就輪到同Bear Bear契爺同嫲嫲慶祝，真係忙到不得了！


5月19日(星期日)

Bear Bear契爺18號生日，所以我哋番香港第二日，就即刻嚟個飯局同佢補番慶祝。。。。地點Bear Bear契爺揀既，就係～～老上海飯店～～




招牌菜～～四寶香酥雞



好好食既燻蛋～～





除咗雞同燻蛋比較出色，其他菜式唔算特別好食～～



特登買個有隻bear bear既蛋糕同契爺賀一賀。。。。





陪契爺一齊吹蠟燭切蛋糕，好溫馨！




Happy Birthday！Bear Bear契爺！


5月21日(星期二)


真係馬不停蹄，呢日。。。輪到同嫲嫲慶祝生日～～




地點係Grand Hyatt～～



除咗我哋一家，舅公呀，大伯呀，Bo Bo表姑姐呀佢哋都到齊，好熱鬧～～



話說呢日仲發生咗一單嘢，就係。。。。。
爸爸唔知做咗啲嘜搞喊咗康蕎家姐，媽咪為咗氹番家姐，就作勢打咗爸爸一吓，
然後又拖家姐去打咗爸爸一吓。皓皓當時冇嘜反應，點知。。。。
原來佢將呢一幕記咗响心裏面～～
到第二日，佢同嫲嫲講番，話家姐好大力打咗爸爸一吓，講講吓仲傷心到喊添！
真係估唔到皓皓咁緊張爸爸架。。。。爸爸當然開心到爆啦！
仲同媽咪講：'我都話阿仔鍾意我多啲架啦！'
得戚得佢吖。。。。。


5月23日(星期四)


23號係嫲嫲正日生日，因為之前大圍食buffet慶祝咗，所以呢日只係我哋一家，食完飯之後同嫲嫲切吓蛋糕算喇～～

呢隻百厭豬皓皓，叫佢捧住個蛋糕同嫲嫲影相，佢就將個蛋糕舞嚟舞去。。。。

 

搞一大輪，卒之玩完(好彩個蛋糕冇撻落地咋)。。。。

終於肯正正經經同嫲嫲影張合照喇～～
其實嫲嫲平時湊皓皓都好辛苦，皓皓，你大個仔要孝順嫲嫲，知道嘛？






五月份雜記

 

5月25號，星期六，放假先至嚟落大雨。。。。
見冇嘜細藝，就同皓皓去咗數碼港個Wisekids playroom玩～～

都好耐冇嚟過喇，皓皓玩得好開心～～

 

跟住落香港仔買嘢番屋企打邊爐。。。。
曳曳豬皓皓扭計要買糖食～～

屋企打邊爐有樣嘢唔好，就係食前食後都要洗餐死～～
(爸爸媽咪都係大懶蟲，好痛苦呀。。。。)

不過如果出街食，嗌一條加拿大象拔蚌，分分鐘已經要成千蚊，
自己去街市買，就抵食啲囉！

等我皓皓表演'刨粟米'畀大家睇啦，haha～～

5月30號，我哋又去幫襯Grand Hyatt喇～～

事關個會籍六月到期，諗住嚟個最後一擊，再食多次～～

呢個會籍，媽咪同成班同事夾份買，實際只出咗400蚊左右，
但每次嚟食就有半價優惠，真係好著數。。。。
以我哋呢一年嚟食buffet既次數，真係嘜嘢本都回晒，wakaka！



呢日仲有媽咪愛食既荔枝，正～



食埋呢次，會籍完咗，睇怕我哋有排都唔會再嚟食。。。。
Grand Hyatt，暫別喇～～