同學仔生日會＆幼稚園周年聚餐

6月8日（星期六）


升咗K2既皓皓，明顯比以前冇咗咁怕醜，上年佢好抗拒出席同學仔生日會，今年？都不知幾踴躍，逢係有同學仔開生日會，佢都話要參加～～

集體遊戲～～傳波波～～



以前皓皓唔肯玩呢啲集體遊戲，而家開始好enjoy～～







呢件係一件好事，始終學校係一個群體生活，
皓皓太怕醜既話，好難融入到人哋既圈子，咁就會比較孤獨～～

排隊攞禮物。。。。





跟住兩個小朋友一組玩遊戲～～



按麥當當姐姐指示做動作～～
姐姐講'頭'既話，小朋友就要將頭貼埋一齊～～



腳貼腳～～

最初有啲怕醜既皓皓，開始越玩越放。。。。
姐姐話肚貼肚，pat pat貼pat pat既時候，皓皓笑到'卡卡'聲～～

 

切蛋糕時間到～～～～
皓皓勁想吹蠟燭，不過而家大個仔喇，知道唔係自己想點就點～～　

生日會完咗，我哋去銅鑼灣join埋放工既爸爸shopping～～
Sogo地庫開咗間日本勁有名既Baby Mon Cher，
見到啲cute 爆既Mousse Au Hello Kitty，忍唔住手喇～～

另外仲買咗佢哋既超人氣皇牌甜品～～Dojima Roll堂島卷～～



堂島卷又香滑，又唔太漏，yummy～～



6月15日（星期六）


呢日係一年一度既幼稚園聚餐，上年既聚餐係食buffet，今年响酒樓食中菜～～
其實爸爸媽咪都唔係好鍾意周圍同人打交道，不過係學校活動，加上每班學生都會上台唱歌，所以點都要支持吓既～～～

學校一早編好晒枱，坐低之後，爸爸媽咪就鼓勵皓皓去同啲同學仔玩，
皓皓例牌怕怕醜醜，擾攘一輪。。。。。

終於肯去搵啲同學仔～～
 

酒樓嘢食真係好一般，唯一最興奮時間就係輪到皓皓嗰班上台表演～～

 

 

皓皓，係咪有啲緊張呀？？

其實皓皓成首歌都識唱，動作都應該記得。。。。。

不過媽咪覺得佢信心始終差少少。。。。
好多時要睇住隔離同學，見人哋做咗動作佢先至做，
所以佢既動作會慢人一拍。。。。

不過慢慢嚟啦。。。皓皓，媽咪已經知你好努力架喇～～

表演完，繼續番埋位開餐～～
不過一班小朋友已經掛住玩，嘜嘢嘢食都吸引唔到佢哋lu～～



皓皓比較鍾意同女仔玩。。。。

睇吓佢。。。。玩得幾開心！

除咗食，當然唔少得抽獎啦！
入場時，每個小朋友都有一張抽獎券，券上印咗一隻動物。
每抽到一種動物，拎住嗰張動物券既小朋友就上台攞獎！



話說皓皓拎住攞張係monkey，點知抽咗六，七張，都仲未抽到monkey，
眼見個個同學仔都已經上台攞咗份禮物，皓皓開始勁傷心，仲喊添！

原來，monkey係大獎呀！所以佢係最後一批先上台，
啲禮物仲大份啲添呀～～

呢個時候，皓皓開心番，爸爸媽咪又要即時教吓佢做人既道理喇：
點可以見人哋有，自己冇就喊架？係咪？






同場加映

某日响屋企睇NBA，投入到你唔信。。。。
見到熱火輸緊，傷心得滯，喊到收唔到掣～～

見佢咁傷心，媽咪晏晝帶咗佢去睇Thomas，haha～～