話咁快就年初四喇,未追blog之前,
先响呢度同大家拜個年先~~
祝各位响兔年事事如意,開開心心,
最緊要係身體健康
恭喜恭喜!
而家先至追番除夕夜同埋爸爸生日既blog,過晒氣添
12月31日(星期五)
十二月尾,姨婆&ViVi表姑姐佢哋由比利時番咗香港,呢晚,姨婆請晒我哋去銅鑼灣食buffet,一家人兩張枱坐埋一齊食嘢,好不熱鬧~~
希望大家响2011年有美好既一年!
BoBo表姑姐&ViVi表姑姐~~
今次除咗sushi同壽司之外,仲有一樣我好鍾意食既嘢....
就係牛奶布甸喇~~~
連家姐康蕎都好鍾意食呀!
'V'~~而家變咗皓皓招牌手勢。
見到咁多牛奶布甸,即時眼睛發亮!
攞一樽埋位慢慢嘆先~~
食飽飽,開始周身郁....
望住BoBo表姑姐,因為....
BoBo表姑姐同佢男朋友買咗份禮物送俾皓皓....
急不及待要拆禮物~~
係一個入油站黎架,仲有埋車仔添~~
多謝BoBo表姑姐&未來表姑丈!
食完buffet,去咗merci睇衫,唔睇由至可,一睇就出事....
係媽咪大出血之際,皓皓就响人哋鋪頭入面跑到癲咗,
仲要不斷攞人哋啲帽試戴,認真唔好意思!
1月8日(星期六)
一月份,應該係由皓皓出世以黎影相影得最少既一個月,之前講過,除咗忙之外,心情亦麻麻,所以出街都少咗....呢日係爸爸牛一,不過都冇嘜特別安排啲咩節目,只係晏晝去鯉魚門食海鮮,然後去Mega Box玩;夜晚就同埋bear bear契爺佢哋一齊幫爸爸慶祝~~
朝早出街前,先响屋企同爸爸切咗蛋糕先~~
爸爸,happy birthday, I love you!
又係我吹蠟燭呀!好似我至係主角咁....
皓皓bb既惡行:未點蠟燭前,吼爸爸媽咪睇唔到,
用把刀 liu 到個蛋糕爛晒~~
爸爸一瞓醒,就俾媽咪拉咗出黎切蛋糕,
所以個樣好似未瞓醒咁,哈哈...
皓皓好鍾意同爸爸咀咀,不過相信佢好快就唔肯架喇!
@鯉魚門海鮮酒家~~
我同爸爸似唔似樣呀??
嘩!有嘢食喇!
蒸貴妃蚌~~
象拔蚌刺身~~
蠔油鮑魚~~
等我都叉番隻鮑魚試吓先~~
焗奄仔蟹~~
象拔蚌鮑魚煲粥~~
呢餐真係食得超滿足呀!
跟住黎到Mega Box~~
祝大家兔年行大運~~
爸爸叫我同亨利合照喎....
哈哈...我都唔知佢係嘜水...
不過見有個波波响度,就坐上去影啦!
响Mega Box玩一輪,就番屋企瞓一陣小休喇....
事關夜晚契爺佢哋會同爸爸慶祝生日~~
我哋又去咗黃竹坑嗰間新酒店度食buffet~~
皓皓狂食棉花糖....
仲要好得戚咁~~
食完buffet就番屋企瞓覺喇!
爸爸話今年生日雖然過得平平淡淡,
但係只要一家人响埋一齊,
已經覺得好幸福~~
隨住人年紀愈長,經歷越多,
價值觀亦會唔同。
而家爸爸媽咪覺得嘜嘢係最重要既,
嘜嘢係最想要既,
相信大家心裏都好清楚~~
只要一家人平平安安,
健健康康,快快樂樂,
已經足夠!
祝您一家心想事成 身體健康!!!
回覆刪除祝您一家心想事成 身體健康!!!
回覆刪除[版主回覆02/20/2011 01:44:00]我都祝你哋一家事事如意,身體健康,森仔&小兔聽教聽話,快高長大~~
Hello,
回覆刪除GOD bless.
o岩!! 簡簡單單一家人過就開心喇~!!
回覆刪除[版主回覆02/20/2011 01:41:00]係呀,平平淡淡都係一種福氣~~
回覆刪除多款 iphone 4 和 3G/GS電話機殼 ,可愛公仔枱燈,閙鐘,手飾盒及窗簾等等.
新貨上架,有興趣的請click入以下拍賣網