11月28日(星期日)
今日爸爸放假,真係好!我哋約咗芬姨同心心表姐去尖沙咀食lunch兼行街街,順便影聖誕燈飾。。。。影完相我哋就去銅鑼灣食榮記車仔麵,然之後就買大閘蟹番屋企拆~~
lunch~~又係响壽司廣食
食完lunch就行去海運既玩具反斗城。。。。
海港城city super嗰邊仲未有聖誕燈飾,行到黎海運呢邊至有。。。。
同心心表姐越黎越friend~~
見到車車,對眼識發光~~
扭呔盤扭到賴死唔走,最後媽咪強行抱走佢。。。。
攪到皓皓喊到we wa 鬼叫~
不過黎到反斗城,即刻開心番晒~~
呢架電動車皓皓好鍾意,見五舊水,諗住買俾皓皓,
點知原來得番一架,冇得買~~
見到嘜嘢種類既車都話要坐~~
呢架皓皓都好鍾意玩,不過呢架個款媽咪唔係太鍾意~~
又諗到屋企實在冇嘜位俾皓皓再泊多一架車~~
所以最後都冇買到。。。
好彩皓皓都踩咗成十個圈,滿足晒~~
又想學人拍籃球。。。
除咗車車,另一樣既至愛~~砌積木!
玩完就出海運外面影相~~
今年既佈置好似靚過上年~~
呢個蛋糕好得意~~
只要捐二十蚊就可以坐入黎影相~~
又可以做善事,又有得影相,幾好呃!
本來皓皓唔肯同呢隻公仔影相,
後尾媽咪叫佢搶公仔個鼻,
佢先肯走埋去摸住公仔個鼻影相。
唔講大家唔知,皓皓好攪笑,
好鍾意講:搶你個鼻!
跟住就會摸吓你個鼻,再擺隻手落自己個鼻度,
咁就叫搶咗架喇,笑死!
有時媽咪會話:媽咪好可憐,俾你搶晒個鼻!
跟住皓皓會話:俾番少少你!
然後就會摸吓自己個鼻,再掂吓你個鼻,
咁就叫俾番你架喇!
沒有留言:
張貼留言