係時候又黎多篇炒雜會,咁媽咪啲blog就差唔多清晒喇,好嘢!
5月8日(星期日)
呢日係母親節,媽咪同皓皓去咗九龍同婆婆慶祝,婆婆勞碌咗大半生,媽咪真係好希望佢未來既日子都可以健健康康,開開心心;正日陪婆婆,咁嫲嫲呢?其實早兩日,我哋已經預早同嫲嫲慶祝,順便當同媽咪自己慶祝埋~~
皓皓同上年一樣,送咗一句說話俾媽咪,就係~~~
母親節快樂!
可以同皓皓你一齊,媽咪真係好快樂好快樂呀!
無帶相機,只係用iphone影咗幾張相。。。。
呢日响鯉魚門食海鮮,唔知係咪因為母親節,
竟然比平時貴七百幾蚊~~
5月10日(星期二)
媽咪放假,同皓皓去咗婆婆屋企,到收太陽既時候同表姐佢哋落公園玩~~
皓皓最開心就係同心心表姐玩架喇~~
表姐嘜都就晒佢,佢話sir滑梯,表姐就同佢sir滑梯。。。
佢話坐車車,表姐就同佢坐車車。。。
難怪皓皓咁喜歡心心表姐~~~
玩bubble,引咗一堆小朋友走埋黎拍~~
5月15日(星期日)
軒軒表哥仔畢業喇,媽咪帶埋皓皓去觀禮。。。。
睇到軒軒表哥仔上台,媽咪不禁諗:唔知皓皓畢業時會點呢?
會唔會都有咁大型既畢業禮呢?
媽咪又會唔會感動到喊呢?
表哥既分校表演跳舞,完場既時候排成I Love U形狀~~
畢業禮完,幾老表影番張合照先~~
離場後响伊館出面個公園仔玩一陣。。。。
5月21日(星期六)
呢日等爸爸收工,我哋去咗金鐘太古廣場行咗陣,順便响嗰度食dinner~~
試新嘢~~Shiro!
價錢唔算平,食物就不過不失啦!
呢三樣嘢再加個烏冬,1set已經成三舊水~~
6月2日(星期四)
爸爸&嫲嫲同皓皓去幼稚園造校服、影校服相,媽咪無假放呀!錯過咗睇皓皓第一次著校服~~媽咪要求爸爸影完相之後立即WhatsApp俾我,等我可以第一時間睇吓隻豬仔著校服既樣~~
都幾斯文靚仔呃~~
運動衫look~~
前幾日皓皓成面成身勁出風癩,搞到爸爸媽咪好擔心好肉赤,
好彩呢日影相啲風癩已經退晒咋!
6月6日(星期一)
端午節,爸爸約咗幾個契爺去淺水灣游水,媽咪就同皓皓跟埋去玩沙~~
呢日勁曬呀,我哋搵咗達有少少樹蔭既地方坐底。。。
皓皓黎海灘前,牙擦擦咁同媽咪講話自己唔驚沙喇,
會自己落地行喇咁。。。。結果???
咪又係唔落水唔踩沙,齋坐玩沙咁囉!
6月11日(星期六)
爸爸放假,我哋出尖沙咀食lunch同行吓街,然後陪心心表姐去文化中心睇畫展。。。。
又係食我哋至愛既壽司廣~~
陪心心表姐睇完畫展,响碼頭買杯軟雪糕食~~
同場加映~~
皓皓今期至愛~~
No.1就緊係車啦,尤其是警察車同救護車~~
當然唔少得麥麥送電單車。。。。
皓皓晚晚都要渣自己架包包超人電動車,話自己係麥當勞哥哥,
要送外賣咁喎。。。
另外又愛上打籃球~~
仲成日拎住個波衝埋個架度,話自己走籃喎。。。。
最後唔可以唔提既,就係皓皓今期勁鍾意~~
炎神戰隊~~
而家去親玩具店都要求媽咪買戰隊俾佢,
每日仲要我哋開首主題曲俾佢聽,
又成日响屋企大嗌口號變身,
真係中晒毒呀!!!
到今日為止,屋企裏面炎神既玩具已經多至十幾廿件,
(上面兩張相係兩個幾禮拜前影,而家啲玩具已經多到。。。。)
又唔知點解,啲玩具出極都有新款架喎,
真係買都買窮呀!!!
炎神戰隊即係5星戰隊嗎???
回覆刪除壽司廣貴定係金鐘間shiro貴呀??
皓皓好似瘦左少少咁呀.....
[版主回覆06/29/2011 00:47:00]炎神戰隊係咪即係5星戰隊?真係唔係好知,我諗都差唔多卦
皓皓扯高咗好多,所以睇落瘦咗少少~~
我諗價錢差唔多,壽司廣lunch set就抵食啲,$300有16件自選壽司~~
皓皓校服look大個仔左好多呢
回覆刪除皓皓校服look大個仔左好多呢
回覆刪除[版主回覆06/29/2011 00:44:00]係啦,眨吓眼就大個仔咗咁多~~