2月10日(星期日)
年初一
今年既年假都算放得長,媽咪每日就算無冇特別節目,都會同皓皓出吓街玩吓咁,所以.....真係攰到不得了!。。。。
大年初一一朝早,換好晒衫準備出發去同嫲嫲拜年~~
年初一
今年既年假都算放得長,媽咪每日就算無冇特別節目,都會同皓皓出吓街玩吓咁,所以.....真係攰到不得了!。。。。
大年初一一朝早,換好晒衫準備出發去同嫲嫲拜年~~
今年媽咪用既靚靚利是封.......
有幾款係响日本買番嚟,媽咪好鍾意架!
家姐都著咗中國衫呀,大家都紅噹噹,咁襯...同爸爸影張合照先啦!
同嫲嫲拜完年食完午飯,就輪到出婆婆屋企拜年~~
婆婆每年初一二都會嗌盤菜,因為街市冇嘜餸買吖嘛!
一家十幾人圍埋食盤菜,真係夠晒熱鬧開心~~
(不過今年太興個盤菜好似差咗啲喎....)
食完飯,又到影大合照時間....
公公婆婆既孫仔孫女,每年新年例牌影張大合照~~
可惜今年明姨媽初一要番工嚟唔到,所以呢張合照唔齊人呀~~
不過唔緊要啦!下次再影過.....
2月11日(星期一)
年初二
呢日冇特別嘢做,去咗軒軒表哥住既屋苑度睇舞獅,然後去公園畀皓皓放吓電....夜晚就去嫲嫲度食飯~~
九點幾開始,好早呀!
有財神派利是,裏面裝住朱古力金幣...皓皓發達喇!
呢個財神硬係有少少怪怪哋,後尾終於發現有咩唔妥.....
財神戴眼鏡既?hahah~~
今年芬姨呀,表姐呀佢哋早去到,所以霸到位坐~~
同上年一樣,有兩條舞獅....
不過今年好削,只有一條獅跳上啲'樁'度舞~~
不過都係志在湊吓熱鬧啫!冇嘜所謂啦!
睇完舞獅,拉大隊去食早餐,然後去公園放吓電~~
皓皓仲未敢自己坐呢隻韆鞦,要爸爸抱住坐~~
跟住聽芬姨講奧海城二期外面佈置得幾靚,於是行過去影吓相~~
呢個究竟係King定係Queen?
好似係Marie貓,超巨型~~
仲有條大毛毛蟲~~
許願板~~
皓皓既鬼畫符許願紙......
影完相同公公婆婆飲茶,然後去嫲嫲度食晚飯,又一日~~
2月12日(星期二)
年初三
又係hea爆既一日,同表姐表哥佢哋去咗佐敦谷個公園玩,然後去譽港灣Mikiki逛吓,跟住就番屋企攤抖喇!
呢個公園都幾大,不過勁多人~~
而家叫做大膽咗少少,肯玩啲攀爬既設施~~
haha。。。。呢度個韆鞦好安全~~
同爸爸舅父&表姐表哥練吓波~~
最後媽咪同芬姨加入戰團。。。。。。玩馬騮搶波。。。。
好耐冇玩呢啲遊戲,大家玩到興起,仲笑到碌地咁滯~~
玩完,搭的去譽港灣個商場行吓~~
順便緊係影吓相啦~~
佑道呢有little twin star既佈置好耐喇,一直都想帶皓皓嚟影~~
不過呢度唔係咁就腳。。。。。。
呢日去完佐敦谷公園玩,就順路過嚟影喇~~
平時皓皓未必肯乖乖影相。。。。
呢日就自動波逐個逐個公仔行埋去叫媽咪影。。。。。
因為佢見到咁多pink色,即時變身做女仔,猛話好靚好靚喎~~
Hea吓 Hea吓,咁就過咗三日假期,番工又唔見啲時間過得咁快喎。。。。。
沒有留言:
張貼留言