28 Dec 09(Mon)
Day 2
酒店→清水寺→河原町 shopping→京都拉麵小路→伊勢丹空中走廊→酒店
清水寺~~一處媽咪鍾情的地方!在這裏,媽咪可為至愛的人誠心許願,讓他們得到一份祝福;更重要的,爸爸媽咪第一次拍拖旅行也曾來到這裏,當時媽咪的心願是可跟爸爸永遠走在一起、可組織自己的家庭;十多年後的今天,心願達成,爸媽重臨舊地,還帶多了我們的皓皓bb。。。。今天心情雖與當日不盡相同,但不變的,是那一份情!
早上九時左右出發,途中停下車子買早餐,
趁空檔為皓皓b在路旁留影。
多得懿晴姐姐要吃麥當當,令阿b又有機會飲汽水。。。
車子泊在清水新道 (茶わん坂),就由這裏走上清水寺吧!
全間店也是賣扇子的。
似廣告硬照嗎?
難得皓皓肯定定的站在階梯上,即刻來個全家福。
想不到兩個小朋友經過一日的相處,關係已非常融洽。。。
神情有點呆滯的阿b,在媽咪的眼中仍是那樣可愛!
阿b一見扭蛋機便瘋狂!
扭了一個還是要賴著不肯走。
終於行至清水寺正門~~
阿b很愛踏這些碎石,一定是感覺很有趣吧!
要爸爸捉著才肯影相!
爸媽教阿b用手水舍的水洗手。
不過對阿b來說,這只是一個玩水的機會。
爸媽說在小木板上寫下心願,便可心想事成。
爸媽也替我買了一塊。。。
當然由字寫得較靚的媽媽執筆。。。。
就掛在這裏吧!
皓皓,這就是爸媽的心願!
傻豬仔摟著柱子也可玩至哈哈大笑!
清水寺依山而建,沿路風景優美。
剛剛才玩得起勁,突然又一本正經。。。
地主神社~~除了求戀愛,也可求健康。
音羽の滝~~
有三道從音羽山湧出的泉水,分別祈求甚麼,媽媽也不大清楚。
健康?學業?姻緣?財富?
沒有所謂吧!總之就是一點祝福!
可以的話,爸媽想將這一份祝福也全給你,阿b!
逛完清水寺的店鋪,便來到河原町。
第一件事是醫醫肚子!
這一頓午飯分開了兩次來吃~~首先是吃關西煮物;
這當然是為了遷就兩個小孩,讓他們吃點熱食!
這裏已是兩set的份量,價錢並不便宜。
第二餐便是媽咪至愛的sushi。。
書裏介紹魚心壽司大件抵吃,大件就說得沒錯,
抵吃?我看只是三文魚罷了!
其中沒有影出來的拖羅,便要2500yen一碟
爸媽還是最愛吃築地
跟著在河原町一帶shopping,影相不多,
只拍下阿b玩耍的一刻!
今天收獲不多,最失望是千辛萬苦找到mercibeaucoup專門店,
但。。。。原來它已結業!
sale哥哥很有禮貌的告訴我這裏已變成 warehouse,
還說現在只剩下東京的專門店。
晚上回酒店附近,打算上京都塔看夜景。
哈!但我們真的走運,今天竟然提早關門。
於是我們去了京都拉麵小路吃晚餐。
在七間拉麵名店選了其中一間,大家都覺得肚子餓,
於是點了四個最大size的拉麵,此時只見侍應姐姐面露驚訝神色。
?????不明所以~~
拉麵來到,一看便知'瀨嘢',大碗得可蓋著阿b的頭。
阿b拿著的只是那碗麵的八分份之一左右。
結果爸爸吃剩三分一;媽媽就只吃了五分一。
吃過麵後,便到伊勢丹的空中走廊看夜景,真美!
~Day 2完結~
我都去過日本一次, only 京板神..原來帶小朋友來, 另一番意思!!!
回覆刪除[版主回覆01/07/2010 09:58:00]下次帶森仔去!不過帶小朋友始終都係東京好玩啲,比較多主題樂園.......
你手字真係寫得好靚bor。清水寺真是一個百去不厭既地方。
回覆刪除[版主回覆01/07/2010 09:57:00]中規中矩啦,我以前有啲同學既字真係好靚好有個人風格......
係呀,我都好鍾意呢個地方
伸脷!!~~哈哈哈。。 帶住咁細小朋友去旅行有咩感覺呀?
回覆刪除[版主回覆01/07/2010 09:51:00]辛苦,好辛苦,非常辛苦.............但係就好,好,好,好,好開心!
0華,好開心bor...係個願望真係好靈...我都曾係呢到許過願, 希望一樣靈,如果我在大阪就可以見下皓皓bb啦...
回覆刪除[版主回覆01/07/2010 09:50:00]你都一定會心想事成既!
下次我哋去東京迪士尼,睇吓你會唔會有時間出黎見吓面呃!
帶埋皓皓重遊拍拖旅遊舊地, 真係好sweet呀, 好好好想去呀! 咁o岩o既…我同Bosco爸第一次去日本都有去清水寺呀, 但我完全唔記得當時有無許願o忝
回覆刪除[版主回覆01/07/2010 09:48:00]其實已經係十幾年前,同埋通常跟團去既地方印象冇咁深.....不過唔知點解對呢個地方就好有感覺,而家仲記得好清楚.......
你哋第一次去係幾時呀?睇怕皓皓爸爸都唔係好記得第一次去旅行係幾時架喇,不如你考吓Bosco爸呃
嘩重遊舊地,已經多了愛情結晶品,我都明白心情雖然已完全不同,但係一定係開心既!祝你許既願會再次實現
回覆刪除[版主回覆01/07/2010 09:42:00]係呀,冇咗當時'少女情懷總是詩'既心境,而家就係好踏實,幸福既感覺囉....
清水寺~~好吸引@v@ 好浪漫甘啊..heehee!! 果到對你地黎講真係好有意義
回覆刪除係咪食完日本d壽司會唔想食hk果d架? ha...
皓皓b都幾乖丫, 型仔!
[版主回覆01/09/2010 01:08:00]清水寺真係幾吸引架!!
响東京築地食真係有咁既感覺,响大阪食就覺得唔夠好食。