人生中的第一課

一月九日(星期六)

今日係皓皓正式番playgroup既日子，原本係1月2號既，不過我哋未番香港，所以miss咗第一堂。

係咪大咗啲既關係呢？皓皓上堂比之前兩次試堂定咗好多，雖然對住陌生人依然唔肯講嘢，但係都肯聽吓老師既指示，例如將玩具擺番去原位、唱歌既時候搖個身體等等，只係做美勞既時候唔鍾意帶圍裙、去洗手間洗手掛住玩水唔想走、排隊去唱遊室既途中經過'sir'滑梯想離隊。。。。其餘都ok既！

上完堂踩一陣單車先至走。。。

掛住周圍望，卒之。。。。

炒車！唔知點解跌得好慢，好攪笑！

咁當然唔痛啦！起身再踩過。。。

上完堂，我哋又去壽司廣食lunch。。。

前菜～～

16件壽司set～～

北海Don～～

真係食極都唔厭！

食完lunch响海港城行一陣～～

原本個目標係陪爸爸去sony買遊戲機。

點知睇完爸爸又改變主意話唔買。。

跟住就去旺角既sony專間店配番個叉電器。

阿b好開心咁周圍攪。。。。

又周圍跑。。。

引到啲職員埋黎逗佢玩。。。。

仲即刻幫佢影張相同佢整張月曆。

但係點解會啜住奶咀影架呢？

今日阿b仲有少少唔舒服，原本媽咪book咗間好有情調既餐廳，諗住補番爸爸生日嗰餐，不過爸爸話都係唔想同阿b咁夜先番屋企，想俾佢早啲瞓。。。。咁唔緊要啦！等周年紀念再食啦！