31 Dec 09(Thu)
Day 5
酒店→Universal Studio Japan→梅田
今日原本諗住朝早去大阪城,然後就入環球影城玩全日,不過最後失晒預算。其一係可能大家太攰,所以瞓到好晏至起身,所以大阪城行程被迫取消;其二是係媽咪懶囉,唔上USJ個網check吓個schedule,原來今日除夕夜晚應該有個倒數party,所以5點鐘就要驅散人羣....
本來都唔係問題,只不過時間少啲啫!最慘係今日超級大風,啲風打落塊面度係刺痛架,大風到吹得郁架bb車,尤其是响出火車站個風口位,你哋有冇見過一大班人因為被風吹而嚇到we wa鬼叫,跟住爭相狂奔入火車站?冇誇張架!(爸爸話夜晚睇電視話今日係強風警報喎,唔怪之得啦!)
可能啲風太大,吹到好唔舒服,所以皓皓去到USJ之後超級扭計....
今日我哋冇租車,要自己搭JR黎...
搭黎USJ既專車。
09年既最後一日黎USJ,影番張相留念先!
未入正門已經有好多賣USJ精品既鋪頭。
媽咪,你有冇攪錯,要人扮兔女郎...
你自己鍾意啫!都唔駛我戴住hello kitty冷帽呀嘛?
咦?點解有隻Elmo响度既?
媽咪,咪玩嘢啦!係我皓皓bb呀!
咦?波波喎!媽咪你買俾我啦!
咦????
原來有藍色架喎,咁我都係唔要紅色喇!
好煩呀!頭先嗰頂帽戴得好地地,做嘜事要換呢一頂?
呢頂有兩隻Elmo吊落黎,唔舒服啫!
查實,由於媽咪既薰陶....
皓皓都幾鍾意hello kitty架!
衰豬仔又要扭彈彈波。
同Zoe合照~~
輪到Elmo~~
呢個位基本上冇可能唔影架啦!
不過影極都冇張好,風又大,吹到鼻仔紅晒,唯有放棄。
今日特別扭計,唔肯同santa claus合照...
見到雪人仲要掉頭走!
唯有爸爸抱住一齊影啦!
聖誕老人&雪人走咗先冷靜番啲!
USJ周圍既佈置都好有節日氣氛....
爸爸媽咪最鍾意玩呢啲抽獎...
今次既旅程,佢哋總共抽咗8次,
分別响USJ、Sanrio、Disney Store。總共用咗4000yen
雖然抽埋啲嘢可能唔等駛,但係媽咪最鍾意玩呢啲無聊嘢。
行到咁上下就'鼠'咗入餐廳....
肚餓?NO!
係因為要避風,同埋我皓皓bb要飲奶。
開始越黎越扭計,唔肯坐車....
响店鋪逛多一陣,就氹阿b瞓覺....
皓皓瞓咗覺,連Snoopy's Playland都冇玩,
而時間又差唔多,唯有走喇!
USJ,等皓皓大啲識玩,我哋一定再黎!
出到火車站,皓皓醒咗,晴姐姐佢哋仲未出到黎,
咁就一路食嘢一路等。。。
本來計劃去難波食河豚餐,但係因為太凍,
我哋都係番梅田搵嘢食。不過~~
除夕夜大部分鋪都提早收,幾經艱辛,終於搵到間似樣既:
燒國產和牛放題,都幾好味!
眼瞓既阿b,番到酒店又清醒晒。。。
唔知係咪有新鮮感,阿b好鍾意响酒店房騰黎騰去玩,唔願瞓!
阿b瞓咗之後,爸爸媽咪一路食宵夜,一路睇紅白大賽,爽!
福山雅治,爸爸話佢好靚仔喎!
嵐Arashi~~道明寺呀!
SMAP~~出咗好多次場。
雖然聽唔明,但係啲歌幾好聽!睇吓紅白,又睇吓新聞,見到啲日本人湧去寺院神社度參拜祈福,感覺又幾得意喎!
~Day 5完結~
嘩.....大風到甘誇...陰功, 我都見皓皓b個鼻仔紅晒喔
回覆刪除果d elmo帽好得意啊, haha!
福山雅治, 我係睇"同一屋簷下"識佢既, haha! 果時真係覺得佢超令仔的!!!
[版主回覆01/11/2010 01:59:00]我都覺得頂elmo帽好得意,不過忍住手冇買。。。。
哈哈你有睇紅白呀?我都同老公講不如第紅白囉,不過最後都係著住電視無專心睇。估唔到大阪會大風成咁!USJ好啱細路玩呀!妹妮見到elmo實開心死呀。
回覆刪除[版主回覆01/11/2010 01:58:00]不過我諗DISNEYLAND啱玩啲!
行程好精彩呀, 我都覺得頂elmo帽好得意呀 , 福山雅治有一排好似老o左好多, 但睇你影出o黎o既相又好似後生返, 又皮光肉滑返 , 而家d美容科技真係掂呀…嘻嘻, 我成日都想去universal studio, 可惜一直都未有機會, 都係睇住你的遊記來止渴啦
回覆刪除[版主回覆01/11/2010 22:37:00]唉,你都係咁講,早之就買啦
usj都ok架,不過要等Bosco大啲先識玩
福山雅治,爸爸話佢好靚仔喎 ! Agree with sum dad!
回覆刪除[版主回覆01/26/2010 00:12:00]我又唔係咁鍾意呢類型喎,我都係覺得木村靚仔啲
唔好意思,遲左黎收看.原來個晚你係日本,我都有睇紅白,差唔多家家戶戶既新年指定動作.你個dinner都非常唔錯呀
回覆刪除[版主回覆01/26/2010 00:11:00]我第一次响日本過新年,之前根本冇留意紅白係幾時做,咁啱有得睇,又覺得幾好睇喎(雖然完全聽唔明)