27 Dec 09(Sun)
Day 1
香港國際機場→關西空港→Rinku Premium Outlets →Kyoto Dai-Ni Tower Hotel(check in)
期待已久既O.K(OSAKA& KYOTO)之旅終於展開喇!今次係第三次去大阪,但係第一次係十多年前去既,仲係跟團添;而第二次係東京加大阪,响大阪只係逗留兩日,真係走馬看花,所以今次去之前應該要好好咁plan吓個行程,奈何出發之前實在太多嘢做.....不過我哋兩個family去,四個大人,點都砌得掂既!好!出發~~~
經過上次七月既東京之旅,我覺得皓皓bb既適應力好強,食同瞓方面都唔駛擔心,最驚既就係阿b唔肯坐bb車,真係會抱死人....同埋天氣太凍,好怕會凍親阿b。
今次最開心既就係皓皓bb有個伴,可以一齊玩!
懿晴姐姐大皓皓b七個月,應該啱咀型呱!
懿晴姐姐:拖拖手,做個好朋友....
皓皓bb:唔係嘛?第一次見就拖手仔?我好有矜持架喎!
(其實佢哋見過,不過相信兩個都唔會記得。)
check in完,食個早餐先!
爸爸話80號閘口好遠,抱我抱到手跛,唯有咁囉!
到喇!入境先!今次又可以優先過關唔駛排!
下次再黎,阿b已經過兩歲,唔知仲有冇優待呢?
過咗關,出去感受吓寒唔寒先...
ok喎!冇想像中咁凍!
我哋推晒行李去邊?
就係黎機場附近攞我哋預先租咗既Toyota喇!
等我試吓車先....
喂!不如我哋去秋名山鍊番轉呃!
差唔多四點,我哋黎到Rinku Premium Outlets喇!
第一件事係俾兩個小朋友醫醫肚先!
好嘢,我鍾意食烏冬冬...
(阿b,你有嘜係唔鍾意食架?)
唔~~好好味!
呢度係爸爸指定想第一日就黎既地方,
事關佢一件衫都冇帶過黎,話一定要响第一日買到衫喎...
我哋主要血拼幾個牌子:
Beams、Tsumori Chisato、Nike、As Know As...
同埋媽咪最想搵到既牌子~~mercibeaucoup
爸爸血拼Beams既時候,阿b終於唔耐煩,要走出空地度喪跑!
爸爸媽咪你哋淨係掛住買嘢俾自己架!
(其實爸爸响Beams都有買俾你架,阿b!)
@ Bebe shop~~
有嘢玩,太好喇!咁爸爸媽咪就可以專心咁幫阿b揀衫。
行到八點左右,天都黑晒...
著晒燈既摩天輪幾靚!
噴水池都係著晒燈,阿b睇到入咗神!
血拼完Rinku Premium Outlets,發覺已經用咗五分一既盤川,媽咪心感不妙~~仲有六日喎!睇怕都要簽卡!不過唔緊要啦,去旅行緊係要盡情啲既!同埋爸爸應承話,番到香港過年唔買衫喎!唔~~~聽住先啦!
跟住我哋驅車往京都,去酒店check in 完先至出外覓食....呢間Kyoto Dai-Ni Tower Hotel,真係....唔知點講....一間似賓館多過似酒店既酒店,唉!我哋又俾專業嗰個agent'跣'一鑊!
check in 完出去伊勢丹搵嘢食,發覺大部分食肆都關門大吉。吓!10點咋喎!原來呢度同東京差咁遠,東京夜一夜都搵到食....最後我哋好唔情願咁去咗一間集合中、西、日食物既餐廳度食,雖然唔係難食,不過真係冇諗過黎日本會食呢類餐廳囉!
响伊勢丹展望台同京都塔留影。
~Day 1完結~
嘩…嘩…嘩, 真係睇到我流晒口水啊 , 好想去日本啊..., 皓皓b大個仔咗, 越大越靚仔呀 !
回覆刪除[版主回覆01/05/2010 02:07:00]唔好讚壞佢呀
未到你鍾意既sushi,你已經流口水嗱
等你地返黎等左好耐喇~好掛住皓皓bb, 嘻嘻!
回覆刪除睇完day 1~~快d繼續啦~~haha...shopping shopping!!!正正正!!!
不過夜晚好唔完滿wor!食唔到好野~~陰功~~
[版主回覆01/05/2010 02:05:00]俾啲時間我啦,小姐
係啦,呢一餐最唔滿意
SHOPPING 帶住阿b真係好困難! 唔可以盡shopping....
回覆刪除[版主回覆01/09/2010 01:09:00]係啦,比平時攰十倍!!