0910 京阪冬日 の旅^^Day 4~堀江.南船場購物日

30 Dec 09(Wed)

Day 4

酒店→心齋橋.堀江.南船場shopping→難波→酒店

今日既行程又係爸爸超期待既，因為今日將會全程shopping，而佢想睇既牌子，如undercover、neighborhood、S.O.P.H、Evisu等等，全部集中晒响堀江同南船場；而佢又驚臨近元旦，有啲鋪頭會唔開，所以要求黎大阪既第一日就安排今日既行程。呢個爸爸，平時plan行程就闊佬懶理，影響到佢購物既機會就鬼咁緊張．．．．

媽咪尋日响西松屋買俾我既水壺。。

今日即刻攞黎用啦！

心齋橋～～

先响心齋橋搵咗間迴轉壽司填飽個肚

大家都不遺餘力咁～～勁食

皓皓唔食得生嘢，淨係可以食飯，雖然好dry，

但係佢都食得好滋味喎！

Evisu*女裝&童裝（南船場）～～

Evisu*男裝（南船場）～～

南船場街頭～～

Hysteric mini（堀江）～～個外牆好靚呀！

仲未減價，冇得好似上次响東京咁掃貨。

途經堀江公園，入去玩咗一陣．．．

阿b好鍾意啲bird bird～～

但係見啲雀仔响佢面前近距離咁飛就驚到打冷震

打韆鞦好開心～～

越fing越興奮，可以理解；

但係負責推嗰個都越推越興奮，莫非傻既？

估唔到去旅行都有得去公園玩，唔知係咪呢個原因．．．．

阿b玩到唔捨得走。

堀江立花通某店鋪外～～

行行吓開始落雨，於是立即去會合晴姐姐佢哋過難波食飯。

今日既收穫都算唔錯啦！

响道頓堀商店街一帶搵嘢食～～

唔知係咪臨近元旦，成條街都迫滿人。

連食肆都要排長龍。。

我哋想食嗰間要等個幾鐘至有位，

於是我哋响四天王隊碗拉麵頂住肚先～～

一個鐘空檔做嘜好？夾公仔啦！

我玩緊既時候，隔離有幾個鬼仔鬼妹夾緊pooh pooh～～

佢哋隻公仔差唔多跌落黎，但係唔知點解推咗成十次都推唔到。

結果好唔甘心咁走咗～～

就係咁，企响佢哋後面吼咗好耐既爸爸就冷手執個熱煎堆～～

用兩分技術加八分既運氣，兩次就推咗隻公仔落黎

爸爸响度沾沾自喜，我就話佢應該多謝嗰班鬼妹鬼仔，

唔係人哋奉獻咗至少2000yen出黎，佢邊可以坐享漁人之利？

見到呢隻蟹，就應該知道我哋等個幾鐘都要食既係邊間喇呱！

冇錯喇，就係道樂！

爸爸媽咪好鍾意食架。。。

上次响東京食阿b都超鍾意食。。。

點知今次～～

竟然齋睇唔食喎！

點解阿b你啲口味轉得咁快既？？？

見爸爸媽咪咁buy你，我都唔介意同你賣吓廣告啦！

因為又落雨又凍，我哋食完蟹，响附近再行吓100 yen就返酒店，不過返到去都十一點lu！爸爸媽咪番到酒店仲要食火頭山杯麵同士多啤梨做宵夜，佢哋話去旅行咁樣狂食法先夠爽喎，我就話佢哋傻至真！

～Day 4完結～