29 Dec 09(Tue)
Day 3
酒店→伊勢丹shopping→京都塔→嵐山嵯峨→大阪(酒店check in）→梅田
今日既重心推介就係好多旅遊書都會寫既嵐山嵯峨。。。。
雖然我哋未有深入嵯峨，未有坐上嵯峨野觀光小火車；雖然十二月沒有春季既櫻花遍野，亦沒有秋季既滿山紅葉，但係媽咪仍然有不枉此行既感覺，慶幸我哋選擇黎一遊呢個古色古香、風光如畫既世外桃源。。。。
今日晴姐姐佢哋要瞓晏啲．．．
咁橫豎我哋都起咗身，於是就去酒店附近既伊勢丹shopping！
(其實都唔可以咁講，應該話爸爸一早已經想行Isetan，
因為佢要買Garcons。咁都好，因為我都有份
)
呢度有我最鍾意既包包超人呀！
仲有'sir'滑梯玩．．．
不過咁多哥哥响度，有啲驚添！都係落番黎．．．
(阿b有時真係幾鵪鶉架！)
又逛吓超市啦！
爸爸媽咪話好耐冇試過响士多啤梨當造既季節黎日本喇，
所以點都要食番夠本．．．
佢哋買咗兩大盒．．．
等晴姐姐起身，就上京都塔展望台觀光。
尋日原本想去埋祗園，但係唔夠時間。。。
等我今日用望遠鏡望吓先！
响呢度眺望四周，京都既景色一覽無遺。
我同晴姐姐好friend架，成日拖手仔。。。
咦？點解呢度有個窿既？
好似幾好玩喎！
好合拍！眼神幾一致！
去完京都塔，就出發去嵐山喇！
呢度好多人力車，坐上去遊嵐山一圈都幾爽！
不過爸爸話，我哋一家三口坐上去，驚個車伕會暴斃喎！
咁又係既！
嵐山街頭滿佈充滿特色既小店鋪。
嵐山豆腐好出名，爸爸媽咪即刻買咗個豆腐雪糕食。
佢哋竟然食晒啲雪糕先至俾個筒我，大蝦細啫！
呢間店鋪好幽雅，門外嗰兩串風鈴好靚．．．
但係唔駛10秒，就俾皓皓bb破壞咗咁幽雅既意境。
嵐山天龍寺內～～
寺院同嵐山山脈渾然一體～～
呢啲咪就係以前讀書時候講既借景法囉！
中國既庭院成日用呢種手法，原來日本寺院都係。
天龍寺前留影。
想像寺院內夾道長滿櫻花或者紅葉，是何其壯觀！
寺廟內古色古香。。。
離開天龍寺，繼續向前行．．．．
沿途發現這一棵掛了很多類似蘋果既果樹，
樹枝光禿但又結果子，很可愛！
這個原為供遊人查詢景點位置既設施，現成了皓皓既呔盤。
終於行到呢度最具名氣既渡月橋。
嘩！真誇張，氣溫好似即時急降幾度，凍到阿b鼻仔紅晒！
聽講呢條橋係因龜山上皇既一句詩～「似滿月過橋般」而得名，
幾有詩意！
咁靚既環境，點都要同仔仔合照一張既！
渡月橋其實橫誇後面大堰川。
冬天應該係呢度最失色既季節，
有機會既，一定會帶皓皓响春秋二季再黎。
渡月橋附近小小既神社。
遊完嵐山，响其中一間小店內吃天婦羅蕎麥麵、烏冬，唔知係咪天氣凍同周遭環境既關係，呢碗麵食得特別窩心！
接近黃昏時間，我哋要告別充滿古樸氣息既京都喇！
驅車前往大阪梅田，途中經過西松屋，我哋兩個媽咪忍唔住落車掃貨；一掃就係45分鐘，攪到差啲趕唔切响8點黎到大阪還車
我哋先到Hotel Sunroute Umeda check in，再到梅田一帶搵食。黎到一間食鐵板燒既食肆，好多人等位，等完一大輪，大家餓到飛起，都唔記得影相lu！
估唔到係，啲鐵板燒好好味喎，尤其是大阪燒，爸爸媽咪係第一次食，原來味道唔錯；其他如雞呀、牛呀、炒麵呀、魷魚呀、餃子呀、雞軟骨呀．．．．．全部都好好食。每人二百幾蚊，抵食呀！
食完已經十一點幾，番酒店瞓覺喇！
～Day 3完結～
沒有留言:
張貼留言