09狂歡X'mas party

今日boxing day真係要好好休息一吓，除咗因為聽日就飛，要養精蓄銳之外，亦係由於尋日聖誕玩得太盡，所以要抖一抖。。。

十二月二十五日(星期五)

今日我哋有兩場X'mas party呀，晏晝响婆婆屋企攪一場；夜晚就响神童輝契爺屋企攪一場，除咗有得食有得玩，我皓皓bb仲收到幾份聖誕禮物添，真係夠晒happy。。。。

晏晝响婆婆屋企嗰場

開始食嘢之前影張相先。。。。

阿b吽吽呌呌，因為啱啱瞓醒。。。

唔好睇棵聖誕樹細細棵，其實大有名堂架～～

因為棵樹係婆婆自己整架～～

用黎俾軒軒表哥仔交幼稚園既勞作

好多嘢食呀！

其中ling ling 舅母負責整啫喱糖、沙律、雞軟骨、蝦丸墨丸等等。

媽咪仲犀利，佢負責飯、意粉、雞翼、庶蝦、

pizza、燒味......

媽咪係咪好叻呢！

佢識得撥個輪去嗌到會

呢三個就係我最大既幾個表姐喇。。。

食完嘢就有驚喜喇。。。

因為標標舅父同ling ling 舅母送咗份禮物俾我。。。

原來係架識吹泡泡既車車！

阿b即刻試車車。。。

响屋企嚴禁吹泡泡，索性拉架車落公園吹～～

等泡泡吹出的一刻～～一臉緊張！

研究架車車點解有泡泡噴出。。。

軒軒表哥仔搶車車呀！

架車車明明係舅父舅母送俾我架嘛！

想玩就應該大方啲問我借呃，知唔知？

軒軒表哥仔都冇你咁好氣，繼續吹泡泡。。。

留意後面既阿b～～

小朋友幾簡單！一支泡泡已經可以令佢哋樂透！

响公園玩完，媽咪就同我番屋企瞓覺覺叉一叉電，

因為我哋夜晚仲有一場。。。。

夜晚响神童輝契爺屋企嗰場

party未開始，我已經偷食薯片喇，哈哈！

呢場既嘢食以海鮮刺身為主。。。。

餵食豬係咁吼住人哋食嘢。。。。

今日收到幾份聖誕禮物呀！

呢份就係Fion ee送既。。。

拆禮物好緊張，不過側邊既哈哈哥哥好似仲緊張喎！

呵呵，係吉他黎架。。。

哈哈哥哥，你係咪唔係好捨得送俾我呢？

壓軸環節～～抽禮物！

今次唔抽冧巴，改為抽啤牌決定要邊份禮物。

阿b代表爸爸媽咪抽。。。

抽完影番張大合照先！

呢個係其中一份抽中既禮物。。。

啱晒我皓皓bb喎！我最鍾意聽歌。。

個樣幾陶醉！

唔係扮架！真係聽緊歌架！

又係曳曳既烏蠅送出既不文禮物～～其實用黎裝梘液既！

不過哈哈哥哥超爆笑～～

雙手並用，仲摸得好陶醉！

輪到阿b～～阿b竟然識得非禮勿動既道理喎！掂都唔掂！

但係在旁既哈哈哥哥仍然虎視眈眈！