我和Miffy有個約會

十二月二十四日(星期四)

平安夜

今日媽咪開始放聖誕假，爸爸亦都攞咗假，我哋晏晝就去咗行街街，夜晚就一家人响屋企過咗一個好忙碌既平安夜。點解忙碌？因為間屋七國咁亂，爸爸媽咪想响去旅行之前執一執間屋囉。。。。

雖然夜晚冇節目，但係晏晝我哋都玩得好開心。。

究竟我哋去咗邊？等我黎同大家介紹啦～～

首先我哋去咗中環一間幾high既酒樓飲茶。。。

係咪好少可呢？我都係第一次見爸爸媽咪兩條友仔去飲茶咋。。

原因係爸爸話呢度既乳豬bb好好食喎！

咁我都覺得啲嘢食幾好味既。。。

你哋睇我食炒飯食到幾起勁！

燒賣上面隻蝦好大隻呀！

飽魚雞扎～～正！

中環碼頭附近～～

跟住坐船船過尖沙咀。。。

全程船要企响度睇風景，唔肯坐！

海運出面既聖誕裝飾之前已經影過幾次，今日循例影一張算喇！

跟住去海港城買聽日party用嚟交換既聖誕禮物，順便買旅行用品。

coffee shop一隅～～

今日既特備節目～～

就係黎會一會miffy喇！

事關海港城入面擺咗成廿隻miffy。。。

幾壯觀咁喎！

阿b响miffy堆中穿穿插插，玩到不亦樂乎，爸爸媽咪就追到氣咳兼頭暈！

玩到夜，我哋就番屋企附近間大快活打邊爐，

然後就番歸開始我哋忙碌既平安夜喇！