部腦終於整番好回歸喇，感覺上好似好耐冇上過網咁，不過都有得著既．．．．因為冇咗部腦，冇嘜嘢好做，所以媽咪呢個幾禮拜都早咗瞓．．．．但係唔知點解瞓極都係唔夠！
都係快啲post番之前啲相先，再耐啲就可能唔記得。。
22號去婆婆屋企做冬，爸爸又有得早收工，我哋去咗旺角行一陣街街，點知爸爸突然好好興致，話影貼紙相喎。。。。
皓皓周身郁兼想'扇'落地玩，爸爸媽咪要夾實佢，影到都算係咁架喇！
呢張係上星期六(十九號)响香港仔影既。。。。
嗰日好凍，媽咪同皓皓全日响屋企'龜縮'。
臨夜芬姨同心心表姐黎我哋屋企打邊爐，咁我哋至出關。。
星期日(20號)，換好晒衫出街街。。。。
一齊搭lift啲姐姐姨姨話我好官仔骨骨好得意喎。。。
你哋應該讚我好高大威猛，英俊瀟灑至係架嘛！
我哋去咗軒軒表哥仔既屋企玩。。。。
軒軒表哥仔而家開始學彈琴，所以舅父買咗部電子琴俾佢練。
媽咪，點解我哋屋企冇聖誕樹既？
阿b嘜你個站姿咁鬼型既？
而家好鍾意扮聽電話。。。。
仲似模似樣。。。。
食粥粥食到成面都係，唔駛問緊係俾芬姨餵緊啦！
係芬姨先至會餵成咁。。。
康莉表姐，你擺咗啲嘜嘢响我塊面度？
遮咗啲視線既？
喂，好唔舒服喎。。。
你唔幫我除，咁唯有我自己除啦！
呢個表姐成日整蠱我，戴完眼鏡又戴三眼仔眼罩。。
好彩我除得快！
夜晚上太婆屋企食飯，阿b戰戰兢兢咁摸隻wo wo！
太婆屋企樓下有好多閃燈射落地，阿b好興奮咁踩。。
仲想踎低身用手去捉～～傻豬仔！
聽日就係聖誕節，响度祝各位聖誕快樂
Merry Christmas！
沒有留言:
張貼留言