心痛的一天

十二月五日（星期六）

今日既行程都幾忙喎，先去幼稚園報playgroup，然後去奧海城食unch，食完去軒軒表哥仔屋企既 club house玩，再之後去尖沙咀，最後就買外賣番屋企等爸爸放工一齊食．．．．本來好開心好充實既一日，但係就發生咗一件令媽咪好嬲自己既事．．．．

好大粒既積木．．．．

皓皓好專心咁响度砌．．．．一陣咁多啦！

幼稚園一角～～

見到軒軒表哥仔，就知我哋黎到奧海城啦！

食上海粗炒食得好滋味！

不得不讚一句～～阿b渣spoon spoon真係渣得幾好！

皓皓同軒軒表哥仔～～今日既相處好似幾融洽咁喎！

去到會所，四個細路仔响度喪跑！

阿b仲玩到好high呀！

好恐怖，四個人玩到碌晒地．．．．

好鍾意阿b同心心表姐既背影～～好溫馨呀！

你哋睇吓佢兩個幾襯～～

黑白間條黨～～

唔想影相，要衝埋渣緊機既媽咪度‧．．

唯有又叫兩個表姐捉住佢影！

點解啲聖誕樹好似同上年一樣既？

媽咪成日諗住買一座玩具廚房俾阿b玩，

媽咪諗住阿b會好鍾意．．．．

呢日响反斗城玩，見佢又唔係好鍾意咋喎～～

原來只係媽咪一廂情願既諗法

阿b平時唔驚大公仔，但係今日個樣有啲怯喎！

同Miffy影又冇問題，仲攬住佢添．．．．

阿b，你托住份禮物托得辛唔辛苦呀？

响尖沙咀影埋相，媽咪、芬姨、心心表姐同我

就買外賣番屋企等爸爸放工lu！

本來好美好既一日，點知．．．唉！

話說搭車番屋企既途中，眼瞓到就黎暈低既阿b終於頂唔順瞓著咗，番到屋企媽咪就立即擺佢响床度瞓。諗住佢瞓得好'lum'，於是同佢整好張被就出番廳，點知．．冇耐就聽到好大既'bom'一聲，衝入去，已經見到阿b塊面向地咁扒咗响地下，媽咪晴天霹靂：點解地下張墊'咩'咗既？阿b咁啱就跌正落冇鋪墊既地磚度．．．．抱起佢，見佢瞌埋對眼係咁喊．．．．

真係陰公，緊係好痛，但係佢就仍然眼瞓到睜唔大對眼．．．．媽咪見到，鼻都酸埋，差啲喊咗，都係媽咪衰，以為你瞓'lum'咗就唔搵啲被疊高圍住張床邊．．．出廳前又唔睇清楚鋪地下張墊放得好唔好．．．．

對唔住，阿b，你跌嗰刻一定好驚，跌完一定好痛喇，媽咪個心都好赤赤痛，講到尾都係媽咪既錯．．．．最慘係你跌到咁大聲，我哋竟然搵極都搵唔到你跌親邊度，又冇瘀又冇起'樓'，咁媽咪仲驚，唔知你撞親個頭既邊一忽，個腦裏面又不期然諗一啲以前好恐怖既新聞．．．．真係擔心咗成晚，好彩見你一覺瞓到天光冇事咋！

不過咁．．．唔跌就唔算人生啦！只希望你既跌唔會好傷，好快可以自己起番身，同埋．．．媽咪可以响你身邊扶扶你、支持你，咁媽咪就於願足矣！