平平淡淡既媽咪生日篇

屋企部腦俾皓皓bb呢隻破壞王整爛咗呀！攪到而家先至得閒响公司update個blog，過晒氣添！

十二月四日(星期五)

今日係媽咪既生日，不過講真，媽咪冇嘜特別期待呢個節日既到臨，人哋話，年紀越大，就越唔重視自己既生日．．．．媽咪覺得呢句話講得好啱喎！媽咪而家一定係緊張阿b既生日多過自己既生日囉！

加上媽咪呢日已經預知要開會開到六點幾，真係嘜鬼mood都冇晒。所以呢兩個禮拜爸爸問媽咪：想去邊度食飯慶祝呀？媽咪一定會答：是但啦！爸爸問：想要咩生日禮物呀？媽咪就會答：唔駛啦！都冇嘜野特別想要！

或者由於媽咪既冷淡回應啦，所以爸爸似乎都冇嘜plan過今日既行程。當然，冇期望就固之然冇失望（事實上都預咗爸爸唔會製造驚喜架啦）；不過，能夠同皓皓＆爸爸一齊度過，真係去邊度慶祝都覺得咁開心，聽到皓皓好嗲咁嗌'媽媽'，真係仲sweet過收到禮物．．．．

今日爸爸最終決定去鯉魚門食海鮮．．．

阿b响街邊等緊媽咪黎．．．

媽咪咁耐都未到架？

人哋企到好攰喇喎！

呢間係幫襯開既海鮮酒家．．．．

拎定筷子等食．．．．

蒜蓉粉絲聖子王＆花竹蝦刺身～～好正呀！

但係阿b你點解冇晒表情既？

阿b：媽咪，你係咪玩野呀？

象拔蚌刺身、煎蝦頭，我點食呀？

好彩，你都嗌罐忌廉俾我！

算你有番啲人性啦！

其實都唔係冇野啱阿b食既．．．．

有象拔蚌鮑魚粥粥啦、同埋呢隻大鮑魚．．下面既菜菜菜啦！

番到屋企，雖然好眼瞓，但都同媽咪切埋生日蛋糕先啦！

媽咪，生日快樂，I LOVE U！

(媽咪幻想既對白)

皓皓其實仲有啲唔舒服，仲要食藥，但係佢都算係咁啦，

雖然又攰又眼瞓，都冇嘜扭過計，真係乖仔！

而家皓皓食藥，例牌會'木'起個咀，唔俾你吱啲藥落口，

但係佢唔係曳曳唔肯食藥喎，

只不過佢特登等你氹吓佢、讚吓佢，

佢就會打開口架喇！真係古惑豬！