慶祝嫲嫲生日 @JW Marriott～～

趁呢幾日放假，咋咋林寫埋5月既blog先～～

五月份都幾忙，其一係接近學期尾，媽咪例牌好鬼多嘢做；其二係忙啲開心嘢，就係plan吓一年一度既暑假旅遊，今年公司遲遲都唔出個leave plan，媽咪都唔肯定七月頭啲工作完未，攪到。。。。。唉，冇得趁七月頭大減價去日本之餘，仲要捱八月貴機票貴酒店。。。。。

除咗忙工作忙計劃旅程，仲有既係忙慶祝，公公啦，表姑姐啦，嫲嫲啦。。。。。都係响呢個月份生日，加埋母親節，真係一浪接一浪～～～


5月23日(星期三)

之前一晚，BoBo表姑姐專誠買咗個蛋糕黎我哋屋企同嫲嫲慶祝～～

正日夜晚，去咗萬豪食buffet～～

呢日皓皓有少少唔舒服，狀態麻麻。。。。



只係食咗少少棉花糖，粟米粒。。。。

同埋食咗個包包～～

响條柱既鏡度見到自己，指住傻笑～～

影張合照先～～爸爸媽咪，嫲嫲皓皓，仲有表姑姐。。。

皓皓瞓覺未瞓得夠，食食吓開始扭計。。。。唯有出動ipad啦～～

酒店俾埋畫紙顏色筆，都止到少少咳。。。。

如果唔係既話，皓皓晨早就嗌話要返屋企lu～～

皓皓食得少，唯有媽咪幫手食埋佢嗰份啦～～
例牌狂隊花膠＆鮑魚仔～～

鵝肝好味。。。。不過唔敢食太多～～





冷盤反而唔算多款，味道亦唔算出色～～
感覺上以前萬豪好食啲～～～


5月27日(星期日)



呢排成日都去海怡冒險樂園玩。。。。

 

呢日朝早見冇嘢做，又走去玩喇～～
次數頻密到連啲職員姐姐都認得我哋。。。

阿仔鍾意玩，冇計啦～～

見到佢咁開心其實自己真係都好開心。。。。。

最近先引入既新玩意～～～後面嗰個氹氹轉波波。。。。
响日本玩過，香港就第一次見～～

射籃越黎越叻，媽咪計過，皓皓入到廿幾球～～
個波咁重，對一個4歲幾既人仔黎講，真係唔易架。。。。

 

又顯示佢既超勁扭呔盤技術～～

晏晝去婆婆屋企，呢張相媽咪要解吓畫先～～
呢度就係陪伴媽咪成長既地方：油蔴地果欄喇～～
好記得以前凌晨時分，就會聽到好嘈既落貨聲，算盤聲，果欄啲麻甩佬既叫喊聲等。。。。
唔知係咪呢個原因，訓練出媽咪一種超強既技能，就係。。。。。
响極嘈既環境下都會瞓得著覺，仲係瞓到成隻死豬咁～～

（註：皓皓身上件國米波衫係爸爸指定要買既，事關佢係國米既死硬派蕃薯～～）

post多幾張近照先～～～
6月1號便服日，大頭蝦既媽咪完全唔記得～～～



多得皓皓提醒媽咪。。。。
皓皓，真係大個仔喇～～

 

yeah yeah yeah ，終於寫晒五月份既blog喇～～～