禮拜六、日,係媽咪放假既日子;媽咪放假既日子,亦即係我皓皓bb出動去街街既日子。因為媽咪話唔想我由禮拜一至禮拜日都响屋企咁悶喎,所以一放假就通常會同我出街,不過....
我有d懷疑佢唔係驚我悶,而係佢自己覺得悶....
禮拜六,我哋出咗九龍同公公、婆婆、芬姨、標標舅父、Ling Ling舅母、表哥表姐去食上海菜....
但係又要等位,都唔明點解咁多人...
等到有d悶添!
好彩媽咪醒目,响我未發難之前抱我玩吓炮仗解吓悶。但係 點解搣唔倒落黎架?
食完飯,我哋去咗公園玩....
芬姨,抱高d,我踩唔倒上去!
呢個點玩架?
哦!識轉既!
喂!媽咪!呢個正呀!
因為我係小股神(嫲嫲話既),數目字最啱我!
因為阿b勁鍾意睇恒生指數,所以嫲嫲叫佢做小股神。
軒軒表哥,唔好'sir'住,影張相先!
心心表姐,你响我頭頂攪嘜呀?我同軒軒表哥、詩詩表姐都 望鏡頭,爭你咋!
玩完公園,軒軒表哥瞓晏晝覺,心心、詩詩表姐去學琴,媽咪、芬姨同我轉場去Element 再行過,媽咪買咗件漁夫褸俾我,因為爸爸都有一件,佢話要同我著父子裝喎!
後面嗰d係荷花黎架!我諗著咗燈會靚好多!
媽咪!我仲細喎!唔駛咁快行桃花運,大d 先la!
行完街街,夜晚緊係會合埋爸爸食dinner啦!唔通撇低佢咁冇義氣咩?
禮拜日,媽咪通常都會帶我去公公婆婆度玩,臨出去之前,我例牌响張床度玩,等媽咪換衫衫....
呢本書我好鍾意玩,因為有塊鏡可以照到自己個豬嘜仔樣。
bb,你咁得意既!等我「呵」吓你先!
越「呵」越陶醉!
越「呵」越肉緊!
弊!俾媽咪發現咗!
真瘀皮!唯有以笑遮醜!
沒有留言:
張貼留言