2008年度十大之最回顧

踏入2009年既第一日，係時候同大家回顧吓我皓皓bb响2008年既十大之最喇！

一、送俾爸爸媽咪最大既禮物．．．．

就係2008年既3月30日，我送咗我自己俾爸爸媽咪，從此令到佢哋既價值觀都唔同晒，响佢哋眼中，所有野都縮細晒，唯有我係最大既！

二、令媽咪最窩心既事．．．．

除咗係成日「呵」媽咪之外，就係我趕得切响09年蒞臨之前嗌「媽媽」，媽咪真係好、好、好感動呀！

爸爸，唔駛唔開心呀！我好快就會識嗌你架la！

三、最攪笑既動作．．．．

四、亦係令爸爸媽咪最心痛既事．．．．

就係搲痕既動作～事關我皓晧bb啲濕疹好犀利，尤其是左手手臂，我又唔識用右手搲左手，唯有借助外物la！坐梳化嗰陣，就用左手磨梳化；媽咪抱住嗰陣，就用左手擦佢既手臂；除咗衫瞓响張床度等沖涼嗰陣，就．．．

     左手向上擦．．．．

向下擦．．．．加埋個痛苦表情，勁攪笑！

（雖然好笑，但係媽咪見到我咁痛苦，其實都好心痛架！）

五、最令爸爸媽咪唔明解既笑容．．．．

我皓皓bb鍾意睇電視廣告就好多人都知，見到有細路仔或bb既廣告就會笑，仲會發出「唔．．．唔．．．」既聲音，但係有一個電視畫面，我睇親都會笑，就算飲緊奶都會偷笑，究竟係嘜野畫面呢？

睇電視睇到入晒神既樣．．．．

睇到有bb仔廣告既樣．．．．．

發現媽咪偷影我既樣．．．．

笑得幾開心！呢個畫面响星期一至星期五，夜晚九點半至十點半就會出現．．．係喇，就係做珠光寶氣嗰陣，每次電視畫面打出珠光寶氣四個字，即係三個女主角叉晒手並排企响度嗰個畫面．．．每逢睇到，我就笑到咁架la．．．．你哋話係幾令人百思不得其解呢！爸爸媽咪，如果我大個咗之後仲記得既，就話俾你哋聽點解我會笑la，hahahaha！

六、最無聊既玩意．．．．

就係嘜鬼野垃圾都玩得一餐，除咗上次你哋已經見識過既紙包飲品盒，仲有．．．．

　　　　　

　　　　　計數機玩一餐．．．．

　　　　　

　　　　　自己對腳仔玩一餐．．．．

　　　　　

　　　　　飲筒又玩一餐．．．．

連公文袋都玩一餐．．．．

爸爸媽咪，其實你哋覺得無聊啫！對我黎講，呢啲一切一切都不知幾新奇！況且，有其子必有其爸媽，無聊既又何止我一個呃？唔信？你哋睇埋下面．．．．

七、最無奈既事．．．．

咪就係佢哋成日做d無聊野囉！

　　　　　

　　　　　特登俾杯咖啡我「渣」住影相，影完就搶番人哋攪到人喊晒，無聊！

　　　　　

　　　　　特登摷亂人哋個頭，話整個頭髮蓬鬆既樣，無聊至極！

　　　　　本來好整齊架嘛，人哋個頭！

　　　　　

　　　　　爸爸無端端摷亂晒！

　　　　　好可憐呀我！毫無還擊之力！

八、最冧人既笑容．．．．

招牌笑容，冧死人la，冇野好講！

九、出街俾人讚得最多既身體部分．．．．

　　　　　

除咗對眼之外，出街勁俾人讚既就係呢頭烏黑而濃密既頭髮加上呢個九一分界既髮型。

十、最曳曳既睡姿．．．．

 大家自己睇la！

 瞓覺都要使出我最耍家既招式－－穿心毒龍鑽！

最後，响呢度祝各位識我皓皓bb既人新年快樂、身體健康、心想事成！恭喜恭喜！