講個秘密俾大家知，我皓皓bb對眼鏡係有情意結既，所以我對戴眼鏡既人特別有好感，因為可以wer佢眼鏡咩嘛！
對於陌生人，我都會有d避忌，按兵不動；對於唔係咁熟既人，就會睇定少少先至郁手；對於媽咪la喎，就緊係唔客氣la！我媽咪副眼鏡就快俾我搣到解體，攪到媽咪成日嗌住要買副玩具眼鏡俾我玩．．．
媽咪話，玩具眼鏡未買倒，買件有黑超既tee頂住檔先！
其實呢個係藉口黎囉！實情係佢手痕，又鍾意件tee既款式同牌子，所以先至買。
頭先明明執到d野玩，去咗邊？
（話俾大家聽，其實係條頭髮黎架！）
咦！媽咪，隻蜜蜂對翼好好玩呀！會發出sa...sa...既聲音。
（即係「渣」膠袋既時候發出既聲音，阿b好鍾意呢d聲）
仲有音樂聽添！
吓！隻蜜蜂唔係我既？係bear bear 熊契爺漏低唔記得攞走？
唔係呀嘛？我好鍾意喎！
咁媽咪你記得買隻一模一樣既俾我！
媽咪卒之記得買副玩具眼鏡俾我喇！
戴咗副眼鏡，睇遠既野又得！
睇近野又得！
連遮咗半對眼都冇問題喎！
阿b，遮住咗d視線都處變不驚，唔怪得bobo表姑姐話你有老闆feel la！
近排我鍾意玩爸爸媽咪部note book。
哈！唔知媽咪會唔會買部玩具電腦俾我玩呢？
阿b，你點知架？媽咪正有此意。
同場加映－－我和軒軒表哥仔
咦？軒軒表哥仔，嘜係你黎呀？好耐冇見喎！
軒軒表哥仔：係呀！玲姐姐叫我同你影張相呃嘛！
咁做嘜你個樣好似好忐忑不安咁既？
軒軒表哥仔：嘩！你唔係咁健忘嘛？你上次點樣對我，我仲記憶猶新！
軒軒表哥仔：不過今次我醒呀！一開波就左手噤住你膊頭，右手捉實你隻手，睇吓你點發圍？
皓皓bb：其實我上次真係冇．．心．．．架！
沒有留言:
張貼留言