疑似papa人仔相

上個禮拜四係爸爸既生日，但係媽咪冇假放，而我又响臨夜既時候瞓咗覺覺豬，所以爸爸媽咪淨係出街食餐飯就返屋企，等埋我瞓醒就一齊切蛋糕．．．

　　　

係就係切蛋糕，之但係佢係邊個呢？唔通媽咪post錯相？話時話，佢有d似我爸爸喎！

阿b，有冇攪錯呀！呢個疑似爸爸既人仔直情係你papa啦！咁都唔認得？

嫲嫲話你同爸爸細個既樣一模一樣，婆婆又成日話你同爸爸十足一個餅印，所以咪俾大家睇吓係咪真係咁似囉！

　　　

嗱！呢張先至係堅既「切蛋糕」相，媽咪專登買咗爸爸最鍾意食既Tiramisu！

　　　

嘩！差啲成隻腳伸咗落個Tiramisu度．．．．咦？呢張相睇落去，我同papa又真係幾似喎．．．．都係咁百厭！

禮拜六係表妹既滿月，但係因為佢成晚都係咁瞓，所以冇同佢影到相，反而我就影咗好多．．．．

　　　

　　　趁未開席，玩番幾鋪過吓手癮先！

　　　

　　　等我「甩」吓呢隻係咩牌先！

　　　

　　　唔－－打五萬好呢還是打「７豬丈」好呢？

　　

　　好野！埋位lu ！有野食la！

　　

　　呢隻紅扑扑既係嘜野黎？

　　

　　「鏗」吓佢先！

　　

　　咦？裂開既？　　

　　

　　媽咪，究竟食唔食得架？

 

禮拜日，bear bear 熊契爺佢哋同爸爸補祝生日，夜晚去鋸扒，晏晝就去公公婆婆度，玩到夠鐘至出去．．．．

　

　換好晒衫衫，臨出發前响屋企影張相先！

　

　你哋以為我特登擺post影相？

　

　實情係我呢隻懶豬好「梳乾」咁攤响度睇緊電視。

　　　

　　　出到去九龍陪公公婆婆飲茶．．．．　

　　　

　　　其實我都幾鍾意飲茶架！事關好多野啱我食！

　

　鏡頭一轉，已經黎到夜晚鋸扒間餐廳喇！

　

　不過呢晚我就唔係咁all right 喇，因為我眼瞓到爆！

　

　但係都好彩同哈哈哥哥影埋呢張相先至瞓！

　

爸爸既生日咁樣就過咗喇！雖然冇嘜特別攪作，但係爸爸話第一年同我一齊過生日，好鬼開心同溫馨喎！