Yeah！媽咪既10日復活假期正式開始喇！呢日，爸爸都攞咗假，本來諗住去迪迪尼，不過近期ocean park整咗個香港老大街，爸爸話想入去睇睇喎．．．．．所以我哋就轉呔去海洋公園喇，反正皓皓去邊都冇所謂，最緊要有得食有得玩，haha～～
呢日唔係太曬，仲有啲風，都幾舒服～～
我哋呢日既重點係老大街同埋海劇場（之前次次都因為多人而無睇到），所以連panda都唔睇喇～～
反正皓皓都睇過～～
爸爸同心心表姐去買雪糕食，咁媽咪同皓皓响熱氣球度影吓相先啦！
食完雪糕，第一個目的地～～香港老大街！
入口地方有架舊款巴士，皓皓自動波走埋去影相～～
皓皓做嘜跌晒膊咁sexy呀？
哈哈，其實佢唔知係咪俾蚊咬，所以成日扯開件衫搲膊頭．．．．
坐人力車，架車斜斜哋，皓皓慌死會碌落黎．．．．．
渣到實一實兩個扶手～～～
反而媽咪抬起轎車既時候佢又唔驚喎，奇怪！！！
阿仔，你打電話俾邊個啫？笑得咁含情脈脈～～
成條街都好多小食檔，買啲魚蛋腸仔食吓先～～
條擔挑都幾重，爸爸要幫拖响後面托住～～～
十二生肖紀念牌，整番一個俾老鼠仔皓皓．．．．．
好多攤位檔，又要倒錢落海喇～～
咁難中，俾多一籃波都冇用啦！
巨型彈珠機，皓皓要谷盡全身既力至彈到～～
好彩都有少少回報，如果唔係皓皓實好失望～～～
呢個仲搵笨，扯十幾廿條繩都係安慰獎．．．．
上架電車度扭吓呔盤，踩吓個發出叮叮聲既掣．．．．．
行完老大街，就坐纜車過另一邊～～
機動遊戲全部唔玩，淨係諗住過黎睇海洋劇場～～
今次早咗成個鐘黎到，費事陣間又好迫人兼夾入唔到場．．．．．
好彩咬吓雞髀，打吓機，時間好快就過！開場喇～～～
初段好興奮，睇到碌大晒眼拍晒手掌，不過臨尾就無嘜耐性，猛咁問媽咪睇完未．．．．．
其實難怪皓皓既，比起以前既海洋劇場，而家真係好遜色，好似講嘢仲多過表演咁～～
睇完劇場，搭海洋列車落番去，諗起上一次搭，俾成班強國人迫到好似走難咁，驚驚！
今次意料之外，竟然好少人搭喎．．．．．
海洋列車既入口擺咗架車响度，皓皓又即刻眼睛發亮衝過去．．．．．
落番去即刻去兒童王國度玩．．．．．．
渣吓遙控船～～
玩吓射水～～
玩埋遙控車，已經天黑喇．．．．．
不過天黑都要繼續玩，如果唔係，皓皓同心心表姐都唔會放過我哋，wakaka～～
排隊玩充氣彈床～～
玩埋旋轉木馬同小火車，夠晒皮啦，皓皓！
臨走，兩個小朋友走入精品店，每人揀咗個鎖匙扣就走lu～～
放復活假第一日既陪玩日結束，已經好攰喇～～～
不過可以陪住皓皓，超級開心～～～
