4月9日(星期六)
媽咪放假，好多時會問皓皓：你想去邊度玩呀？媽咪想俾皓皓自己做吓決定，當然，响可能既情況下，都會盡量滿足佢既願望。。。。最近問佢呢個問題，佢耐唔耐就會話：我想去'筆'沙沙～～所以呢日，就約埋芬姨同心心表姐去咗淺水灣玩沙。。。。
去到沙灘，原來都幾凍吓。。。。
其實之前兩次去海灘，都知皓皓好驚踩沙。。。。
今次去都想睇吓佢有冇改變。。。
點知一樣～～皓皓隻腳一踩到沙就唔肯行，
係都要媽咪抱，仲要將腳上既沙揩晒落媽咪既手臂度，
哈哈，仲有面容扭曲，勁痛苦咁。。。笑死！
雖然驚踩沙，但係又真係好鍾意玩'筆'沙沙。。。。
結果？？？就係全程坐响度玩，唔肯企响豎囉！
好難先影到呢兩張企响度既相～～
玩到差唔多天黑，就執嘢走喇！
落番香港仔會合放工既爸爸食飯～～
睇睇吓相，發覺有輯相冇登過既？
原來上次急住追blog，漏咗篇都唔知。
唔緊要啦！補番登相啦！
呢輯相係3月中同皓皓去playtown影既～～
好耐冇黎過喇，呢日勁多人，勁迫～～
例牌响呢個位玩一大輪。。。。
而家鍾意學人拍籃球，不過好多鬼仔玩緊，佢哋完全冇意慾讓俾人玩，
媽咪唯有開聲問呢位哥哥仔讓皓皓玩一次！
又想渣有蓋既車仔，不過等極都等唔到。。。。
唯有勉為其難咁玩住呢架先～～
好彩後尾好多細路走咗去party度切生日蛋糕，皓皓至有機會坐。。
不過期間都發生咗啲不愉快事件。。。
話說班細路切完蛋糕，好似衝鋒隊咁衝過黎搶車，
有啲攔住皓皓架車唔俾佢行，有啲响後面拉，
有啲爬上車頂，有啲直情打開車門叫皓皓落車。。。。
真係勁冇禮貌，攪到皓皓喊得好淒涼～～
啲父母完全唔理，媽咪唯有一直跟住皓皓同佢護航。
之後又有賓賓走黎用芵文講：應該輪到佢個'少主'玩喎！
媽咪同佢講，皓皓只係坐咗一陣，但係就等咗好耐，
佢話佢'少主'都等咗好耐喎。。。。
媽咪都冇佢咁好氣～～
好彩皓皓玩咗一陣車，就跟心心表姐走去四圍玩。。。
如果唔係。。。皓皓一有人黎搶車就喊，有排煩！
同心心表姐一齊射波波～～
呢度都幾高，皓皓有啲驚，不過見表姐行，佢又行！
雖然同表姐都坃得好開心，不過太煩喇，
以後都係少黎為妙～～
