4月5日(星期二)
好耐冇踩過單車喇,清明節正日,見唔係太曬,就約埋表哥表姐呀,芬姨舅父姨媽呀成棚人去西九龍海濱長廊踩單車。。。。
本來諗住租架單車仔俾皓皓自己踩。。。
不過架車仔好似好污糟,加上如果皓皓自己踩一架,
佢踩得慢,咁媽咪。。。咪要行路跟住佢?
最後都係租番呢隻家庭式單車算喇!
雖然冇自己踩一架咁好玩,不過好過要行路
皓皓就快坐唔到呢種韆鞦喇~~
老鼠仔fing高少少都驚都震~~
呢度玩既設施唔係太多,除咗韆鞦,就只有呢兩隻搖搖木馬~~
同埋呢間屋仔~~
踩完單車,就响度玩一陣,食吓嘢飲吓嘢。。。
差唔多天黑就走喇!
黎Elements買嘢,傻豬仔一見到架靚車。。。
就攞頂帽出黎話要戴碩盔,hahaha!
响Three Sixty買完sushi就番屋企開餐喇!
呀!差啲唔記得記低一樣嘢添!話說上年12月比利時既姨婆番香港,臨走既時候送咗本唐詩俾皓皓。嫲嫲平時湊佢,耐唔耐就會唸詩俾佢聽。。。而家皓皓已經識諗唔少首詩歌,包括靜夜思啦,春曉啦,曹植既七步詩啦。。。。唔可以唔提既就係好應節既清明喇~~聽到佢大大聲唸'清明時節雨紛紛,路上行人欲斷魂。借問酒家何處有,牧童遙指杏花村'既時候,真係覺得佢好攪笑!
沒有留言:
張貼留言