扮空姐?

11月7日(星期日)

而家媽咪放假，好多時皓皓既指定動作係：落商場食早餐、坐車車、攞八達通禁汽水機、入百佳、彈波波、挾公仔，間唔中會扭買玩具。。。。所以每一次落去都要個幾鐘，俾隻豬仔左舞右舞，都幾攰架！

尋日放假，但係因為要interview，所以冇去商場食早餐；咁今日實走唔甩啦，皓皓點會放過媽咪呃？响商場彈完波波，皓皓見到架巨型消防車眼晴發亮，係都話要買，媽咪嫌架車太大，叫老闆娘幫我搵架細啲既；點知人哋千辛萬苦搵到喇，皓皓又一個唔該話唔要喎！

咁最後要咗啲嘜？？？？？

就係呢副煮飯仔喇！皓皓仲學埋表姐既說話，

竟然同媽咪講：我要煲煲冷餐！

俾佢笑死～～

係要自己拎，攪到副玩具拖晒地。。。

啲神情動作似唔似一個拖住旅行喼既空姐呀？？

晏晝去咗公公婆婆屋企，見時間尚早，

落公園玩咗一陣～～

老鼠仔而家開始膽粗粗喇，好高既滑梯都敢自己sir落黎。

隻木馬俾佢搖到就甩咁滯。。。。

玩陣公園，就去咗空地嗰邊吹bubble～～

皓皓玩bubble個樣，媽咪真係百看不厭。。。

充滿盼望既樣子～～

一臉童真～～

好想留住這可愛的一刻～～

响公公婆婆屋企食完飯，見軒軒表哥仔練琴，

係都要坐埋上去一齊彈～～

幾認真～～

唔知既以為佢真係識彈。。

不過好快佢就忍唔住，駛出佢既無影手絕技－－－

就係大力拍打琴鍵，亂拍一通～～

難得軒軒表哥泰山崩於前而色不變，

你有你發晒癲咁拍，我有我繼續練，犀利！