10月31日(星期日)
Haha，媽咪又出唔切blog喇！講番Halloween既嘢先～～
雖然冇特別function要參與，不過媽咪都應吓節，
買咗套小魔鬼衫俾皓皓著。。。
Halloween前响屋企試吓衫先～～
自從識得整雙V之後，就成日擺呢個手勢，
仲要得得戚戚咁～～
Halloween正日，著住套衫去尖沙咀玩。
（買咗唔好嘥呀嘛！）
去到九龍公園，見到有個微型既花展。。。
睇吓皓皓對手～～
又想擺雙V手勢！
好鍾意皓皓呢個傻更更既表情。。。
啲花好sharrp，不過皓皓都唔弱呀！
好多途人都對皓皓投以注目禮～
明明行過咗，都扭番轉個頭望。。。
仲要哄埋去睇咗好耐。。。
究竟係嘜嘢咁吸引呢？
其實只係個小小既水流，不過已經令鍾意玩水既皓皓驚嘆，
佢好似俾人點咗穴咁，爭在未樁個頭落去～～
叫極唔望鏡頭，原因：有個ee响佢既左手邊食緊雪糕。
望到唔眨眼，失禮死人！攪到個ee係咁笑。。。
終於望媽咪個鏡頭喇！原因係媽咪同佢講：
'係咪想食雪糕呀？陣間買俾你好唔好？'
阿仔，你好現實呀！
去到公園，見到心心表姐，high爆！
表姐好照顧皓皓，見啲人係咁搖隻船，
驚皓皓會撞親，於是攬實皓皓！
表姐真係好乖，媽咪咁錫佢都不無道理架！
依家皓皓越跑越快，加上唔肯望鏡頭，
要同佢影相真係越黎越難！
玩完公園，呢隻小魔鬼就番公公婆婆屋企休息休息喇！
同場加映～～Halloween碌回顧
０９年～～小魔鬼碌
０９年～～小巫師碌
０９年～～蜘蛛碌
０８年～～魔鬼bb碌
一睇番啲相，又好掛住皓皓個bb樣喇
沒有留言:
張貼留言