放完大假已經大半個月,但係媽咪都仲未出晒放大假既blog,所以。。。。媽咪決定一次過寫晒佢~~~
8月18日(星期四)
呢日媽咪想同皓皓出街玩,但又唔知去邊,於是俾咗幾達地方皓皓揀,結果皓皓揀再去Cyberport 既Wise kids playroom玩。睇黎皓皓真係幾掛住呢個地方喎~~~
皓皓一入到去就先兜一個圈,然後問媽咪:有無得串珠鍊呀?
上次黎既時候有個特備節目,就係教小朋友串珠鍊....
吓!原來皓皓咁記掛住呢度就係呢個原因~~
有少少O咀添
不過媽咪話俾佢聽呢日無得串珠鍊之後,佢又若無其事咁走咗去玩~
媽咪知道皓皓鍾意串珠鍊之後,就買咗啲珠仔同線俾佢响屋企串,
佢串得好入神、好投入,居然可以坐定定成半粒鐘...
實不相瞞,媽咪愛上咗俾佢玩呢樣嘢,
咁樣媽咪就可以安安樂樂咁做自己嘢,哈哈!
又做小手工~~媽咪教皓皓整咗個小蛋糕....
如果無時段限制,相信皓皓可以玩煮飯仔玩兩粒鐘~~
專登縮入去唔俾媽咪影相,衰豬仔!
拖地掃地又鍾意玩,真係好女仔wor,皓皓!
我呢個騎馬look型唔型呀??
呢一區係俾三歲以下既小朋友玩,不過我哋照入去~~
呢一區又有個廚房,皓皓例牌又玩一大餐~~
玩完wisekids playroom,見時間尚早,就同皓皓去婆婆屋企,
皓皓超興奮,因為可以同表哥表姐玩~~
幾老表排排坐嘆雪糕,爽!
8月19日(星期五)
爸爸呢日都有假放,所以想去遠少少既地方....上網睇話大棠荔枝園有得騎馬馬,好,就去呢度啦!順便可以行吓元朗~~
先搭巴士出油麻地,點解出油麻地?因為....
爸爸媽咪想食呢間茶餐廳囉!間茶餐廳响廟街,好耐歷史架喇!
媽咪鍾意食佢哋既湯麵;爸爸就鍾意佢哋既焗飯同奶茶,
至於我皓皓呢,邊間茶餐廳都無所謂,最緊要有奶醬包!
咪睇間茶餐廳up up dup dup,一個焗飯都要成$50,
仲要無set唔包嘢飲,茶餐廳黎講都算貴~~
食完嘢搭西鐵入元朗再轉的士,唔駛一個鐘就到~~
天氣好好,不過都幾曬~~
楊桃樹~~
周圍都係香蕉同大樹菠蘿樹~~
仲以為有bb馬仔騎,原來只係得大馬,
太高太危險喇,唔敢俾皓皓騎,皓皓自己都話驚呢!
皓皓最鍾意既環節~~餵魚魚!
皓皓魚糧一灑....
成群成簇既錦鯉湧過黎~~
睇到啲魚魚咁,皓皓好開心....
餵完成包糧都未夠,仲想再餵~~
跟住爸爸話買紅蘿蔔餵馬馬話喎~~
啲馬原來好有人性架,知道爸爸拎住紅蘿蔔,就向住佢鳴叫,
前面呢隻仲攪嘢,識得左右左右咁行碎步,好似跳舞咁引爸爸注意。
不過始終隻馬體型咁大,媽咪同皓皓都唔敢行近去餵,
所以爸爸自己餵晒~~
嘆個凍啫喱先~~
坐牛牛車~~
呢度都有士多啤梨園,可惜唔係當造季節....
坐完牛牛車,見皓皓眼瞓,所以就走喇~~
搭番的士出元朗嘆勝利牛丸,超正!
皓皓搭車既時候瞓咗一陣,又精力充沛咁玩冒險樂園喇!
玩到六點左右,我哋就搭車入三聖邨~~
入三聖邨有咩好做?之唔係嘆海鮮囉!
油鹽水浸大花甲,好鮮甜~~
花竹蝦刺身,超好味呀!真係貴得有道理!
蒜蓉粉絲大聖子王~~
椒鹽蝦頭~~
唯一一樣稍為遜色:奄仔蟹!
都係鯉魚門嗰間整得香啲好食啲~~
玩得開心食得盡情既一日,爸爸如果可以多啲一齊放假就好lu!
好勁呀....皓皓玩足成日喎!!! 大棠荔枝園我都去過呀....小朋友去都真係唔錯呢...
回覆刪除[版主回覆11/19/2011 19:54:19]係呀,不過最衰啲馬太大隻,皓皓無得騎~~
大棠荔枝園好似幾好玩喎, 下次番香港都去下先!! 三聖 邨係邊架?
回覆刪除[版主回覆11/19/2011 19:56:49]三聖 邨响屯門,食海鮮既聖地,你下次番香港去試吓吖~~
雖然我不是大S也不是小S,沒有代言費也沒有粉絲團…………
回覆刪除我平凡卻很幸福 ,因為我發現這個讓我同時擁有《健康+財富+自由》秘密 ,
我不再為老闆賺錢、加班、看別人臉色,
現在的我已經成為自己的美麗偶像,
如果我值得你也一定值得!謝謝你★ ^^
複製網址~免費註冊體驗★>> http://tinyurl.com/3bhxkxg
如有不悅.對不起 ,很高興認識你 ^^
大棠荔枝園好似幾好玩喎, 妹妮學校下個月去呀, 到時都影多d相先
回覆刪除[版主回覆11/19/2011 19:57:52]係?去咗未呀?我好耐冇寫BLOG遊BLOG,轉頭去探妹妮先~~
大棠荔枝園 我地地頭呢!! 有機會可以JOIN埋一齊喎^^...真係幾好玩架 晧晧鍾意餵魚魚 可以係果到買D金魚仔番屋企養架 (娜B最鍾意餵羊...勁臭勁近都唔怕)
回覆刪除D 海鮮好正咁喎, 呢間係三聖邊間呀??? 我地就多數就買果檔海鮮同煮果間酒樓分開的
[版主回覆11/19/2011 20:00:21]我哋都係買海鮮去俾人整,真係好鬼正~~
我哋多數响廣東名門食,煮功唔錯~~
好耐冇見娜B喇,究竟有相睇未呀???
仲有呀...晧晧鍾意玩果D野真係好女仔喎!!! ( 又煮飯, 做家務, 第日咪住家好男人??)
回覆刪除[版主回覆11/19/2011 20:01:15]住家好男人都唔錯WOR,唔好乸乸哋就得喇,哈哈~~~