8月13日(星期六)
皓皓平時坐的士都好鍾意問媽咪：紅色係咪九龍的士呀？綠色係咪新界的士呀？籃色係咪大嶼山的士呀？媽咪知道皓皓未見過籃色的士，所以就次次都話：媽咪下次帶你去大嶼山睇籃色的士吖。。。。講咗咁多次，呢日終於去喇～～
去完海洋公園，皓皓話自己唔再驚搭纜車，睇吓係唔係？？
呢架係水晶纜車，全玻璃底望到下面，媽咪畏高，諗起都腳震；
好彩經全民投票後，除咗心心表姐想坐之外，無人想坐～～
都係坐番普通既算喇，無謂驚餐死啦～～
纜車列明可以載十幾人，我哋得５個人，不過好彩唔駛同人搭坐。
皓皓左望右望，又望吓下面，有啲緊張～～
不過佢為咗顯示自己唔驚，刻意唔駛媽咪扶。。
霸晒成架車真係好，我哋可以响車上面開餐～～
搭咗一陣，皓皓已經放鬆晒唔再驚喇～～
媽咪覺得呢隻纜車都算幾定，感覺反而好過ocean park嗰架～
到喇！一落纜車，就見到一隻牛牛。。。
爸爸抱皓皓敲大鼓～～
哈哈！好攪笑！最衰唔夠九個人！
真係有少林功夫表演架，不過表演時間太晏喇，所以我哋冇睇到！
周圍逛吓，又唔係太曬，都幾舒服～～
皓皓指住呢啲只供拍照既纜車同我哋講：'爛'車呀！
行到半路，嘆碗豆腐花先～～
好喇，行上大佛喇，好似話有幾百級樓梯喎～～
唔知皓皓可唔可以行畢全程呢？
其實媽咪都擔心自己行唔到。。
頭先扭計話要扭波波，爸爸唯有俾個五蚊佢袋住响衫袋，
話等陣先同佢扭，所以佢成日用隻手摸吓個銀有冇唔見。
行咗一半喇，皓皓好似一啲都唔攰喎～～
媽咪就响度扯緊蝦～～
yeah！仲於上到頂喇！
（皓皓隻手仲係禁住擺五蚊銀既衫袋，駛唔駛咁緊張？）
行咗個圈，叫做到此一遊，就開始回程喇～～
行番落去之後，緊係要講口齒同皓皓去擰扭蛋啦！
呢！就係手上呢個波波喇！
見心心表姐扭，佢又話要！衰豬仔！
呢日都幾開心，皓皓睇到籃色的士，又同心心表姐周圍跑跑跳跳。。
可能玩得太喪喇，我哋搭番纜車落東涌站既時候，
皓皓已經頂唔順瞓著咗喇！我哋唯有打的番屋企先食晚飯～～
沒有留言:
張貼留言