結婚六周年快樂

6月24日(星期一)


6.24，係爸爸媽咪結婚六周年紀念日～～
屈指一算，原來我哋已經共度咗十七個年頭，
好慶幸咁多年嚟，無論開心既，悲傷既，苦既，甜既，
都有爸爸陪伴响媽咪身邊共同經歷。。。。



俗語話：百世修來同船渡，千世修來共枕眠！
媽咪對呢句說話深信不疑。
既然係不知幾生修來既深厚緣份，咁當然要好好珍惜啦！
媽咪今日既願望，同十七年前一樣：願～～能～～
永遠相依相隨，執子之手，與子皆老！

呢日媽咪冇假放，所以放工之後一家人出街食飯慶祝就算喇～～
（張相攝自尖咀K1～～）

紀念日前，媽咪向爸爸提出一個要求，就係。。。。。
媽咪想試吓一啲未去過但食物質素＆情調ok既餐廳～～

對爸爸嚟講，呢樣嘢已經係一個超級難題。。。。
事關爸爸絕對係一個懶於花心思搞搞新意思既人～～
爸爸，唔好抵賴，呢個係不爭既事實，wakaka！



最後，爸爸搵咗呢間～～AVA Restaurant Slash Bar～～
餐廳賣點：270度維港景～～

餐廳做緊promotion～～一個6-course 'Six Signature Senses' Set Dinner，只係五百零蚊。。。
先嚟餐包，配上味道都幾特別既三色牛油～～

 

 

餐前小食＆餐湯都ok～～

Appertizer～～生蠔＆龍蝦沙律～～
平時媽咪完全唔鍾意食生蠔，甚至覺得難食。。。。。
不過呢晚既生蠔，媽咪竟然食咗三隻呀～～

Pasta & Risotto～～紅蝦繪飯＆黑松露濶麵。。。。
個飯好香，皓皓差不多自己KO晒成碟～～

Main Course～～龍蝦意粉＆牛扒～～
媽咪覺得個牛扒好正～～



其實酒店只係三四星，真係冇諗過食物水準會咁ok～～
仲可以一邊食一邊欣賞維港夜景，一流～～

今次要讚吓爸爸呀，因為早book先有呢張靚景窗口位枱咋～～

食完主菜，仲有甜品～～
上甜品就大陣仗喇，個師傅會成張長枱推過嚟，
然後即席製作～～Liquid nitrogen Icecream with rose～～

師傅將啲Liquid nitrogen倒落啲材料度，即時冒起白煙。。。
師傅仲叫皓皓伸隻手去感受吓啲寒氣添～～

高速攪拌下，液體凝固成creamy狀雪糕，
最後加埋玫瑰花瓣，大功告成！

賣相靚，味道幾清新特別～～

爸爸，多謝你既安排，好滿意既一餐呢～～
祝我倆。。。。結婚六年快樂！