新春'型仔'look

每年既新年總係眨吓眼就過，今年都唔例外，話咁快就已經係年初五。。。隨住爸爸開始番工，夜夜賭局既日子亦要結束，而媽咪亦係時候update番初一至初四既嘢。

點解用'型仔'兩個字做標題？事關就黎２歲既阿b而家好麻煩，成日都唔肯換衫出街，但當媽咪同佢講～～'型仔'，佢就會望住媽咪，用疑問既語氣講：型仔？媽咪話'係呀，型仔呀！'咁阿b就會乖乖就範。。。。雖然阿b未必明呢兩個字既意思，但係呢個方法成日都work架喎，真係好好笑！

好！俾大家睇番阿b初一至初四既新春look先

初一著褸look。。。。

初一除褸look。。。。

初二除褸look。。。

（冇影到著褸look）

初四著褸look。。。。

初四除褸look。。。。

好，講番呢四日既嘢。。。。大年初一，我哋先去嫲嫲屋企拜年，食碗長壽麵，然後再去婆婆屋企拜年。年初二就去太婆屋企，初三不宜拜年，諗住出婆婆屋企食飯算喇，但係因為天氣太凍媽咪唔願郁，最後全日都冇出街响屋企龜縮。初四，就去表姑姐屋企。。。

响嫲嫲屋企。。。。

等食。。。。。

嫲嫲煲咗碗材料豐富到爆既粥粥俾阿b食。

一路食粥一路要望住隻wo wo，但係隻wo wo行近少少，

佢又拍晒心口話'驚驚'！

下晝黎到婆婆屋企，同表姐合照。

叫軒軒表哥影合照，叫極都唔'騷'我哋。。。

兩老表一齊打呔，係咪好襯呢？

軒軒表哥攞咗表姐部手機聽歌。。。。

阿b：咦？我首飲歌？

邊首？zoom近啲睇。。。。

咪係Sammi首'It's so high high high'囉！

兩老表真係夾，都係勁鍾意聽呢首歌。。

為咗首飲歌，兩個豆丁開始爭手機。。。。

軒軒平時都肯讓吓阿b，但係今次為咗睇ｍｖ，點都唔就範。

你哋睇！阿b唔夠人爭，隻手仔開始有動作。。。

哈哈，阿b新年都有禮物收呀！

就係波波舅父送既結他。。。

阿b係咪彈得似模似樣呢？

食完晚飯，擔晒櫈仔做嘜？

就係每年既指定動作～～公公婆婆所有既孫仔孫女影合照喇！

1,2,3,4.............咦？得11個既？仲爭1個。。。。

因為軒軒表哥扭計唔肯影。。

紹鋒表哥教阿b整'V'。。。

但係阿b淨係識戙起一隻手指仔。。。。

軒軒表哥終於肯咬住兩粒糖咁埋位喇，但係就輪到阿b扭計。。

幾經艱辛，先影到張似樣少少既。

初二去太婆屋企拜年前，先去茶餐廳醫肚。。。

家姐著咗唐裝！媽咪新年前忙到連唐裝都唔記得買呀！

表姑姐＆男友、家姐、兩個表叔。。。

初三赤口，唔駛拜年。

初四就黎到。。。。

表姑姐屋企。

周圍摷表姑姐屋企啲嘢玩。。。。

玩玩吓，嬲爆爆。。。

原來同表叔爭嘢玩，仲向媽咪投訴添！

真係要慢慢教阿b要同人share玩具喇！