一月三十日(星期六)
今日上完playgroup之後,皓皓連覺都冇得瞓,就俾媽咪'的'咗出街玩,一直踩到六點幾。。。。事實上,皓皓b既'抗瞓'能力真係超乎想像,尤其是出街有得玩既時候,佢眼瞓到就黎暈低都會撐住,好勁架!
我哋既第一站去奧海城搵老虎仔。。
當08年出世既老鼠仔遇上老虎仔,好似。。。。
好似有啲避忌咁。。。
俾媽咪監硬抱過老虎仔度。。。。
又冇嘜嘢喎!
擺型仔甫士,但係個樣木木獨獨。。。
後面啲老虎仔咖啡杯响度氹氹轉,好得意!
好大個老虎頭呀!
原來係一架大車車。。。
媽咪,我想坐上架車車度。。。。
吓??咁就叫上咗車嗱??
老虎仔,攬攬呃!
過咗立春就係虎年喇,祝所有認識皓皓b既人响虎年都開開心心!
影完老虎仔,第二站就係柏景灣平台公園。。
我哋一行九人,浩浩蕩蕩咁'操'去平台公園。
今日舅父都有幫手影相呀!
舅父用連環快拍,影到皓皓一連串唔同既表情。
咩事令皓皓開心到手舞足蹈呢?
之唔係吹泡泡囉!
等表哥射啲泡泡出黎。。。
望到眼定定。。。
沉思??究竟皓皓眼中睇到既世界係點樣既呢?
芬姨無端端同皓皓戴帽,成隻史迪仔咁,好攪笑!
好鍾意皓皓玩得好開心既表情,覺得好滿足,
所有煩惱一掃而空!
除咗吹bubble既時間以外,心心表姐係皓皓既鐵胆玩伴。
心心表姐氹到皓皓好興奮!
兩個攬住一齊'sir'滑梯,好溫馨!
繼續玩,唔好俾佢停。。。
第三站~~冒險樂園。。
今次係第二次玩冒險樂園入面既波波池。。
不過上次個池無波波(因要消毒),今次先算係正式玩。。
一來有咁多波波,二來有表姐陪玩,今次玩得勁開心!
架架車都要求坐一坐。。。
開始曳曳,响架車上面'禽'黎'禽'去。
今日上晝上完堂然後直踩三場,真係超攰!
haha有得玩緊係乜都得! 再踩落去都仲得啊皓皓bb
回覆刪除去甘多地方玩真係開心啊~~~
佢睇到既就係..點解你地d人甘高架...成日要我岳高頭haha
[版主回覆02/10/2010 23:22:00]你估佢係你咩,咁多節目
嘩,咩皓皓可以成日唔駛瞓咁勁? D老虎影相好靚呀,等我地下次帶妹妮去扮豬食老虎先!
回覆刪除[版主回覆02/10/2010 23:21:00]係呀,佢成日都唔瞓架,去旅行嗰陣先至勁,晏晝瞓得少,夜晚11點瞓,都頂得順喎............
好合作呀皓皓,俾你點影都得 定一話係你捕捉得好呀媽媽~哈哈哈!快啲整個新年look黎嘆吓!
回覆刪除[版主回覆02/10/2010 23:19:00]咁緊係後者啦,佢邊會企定定俾我影喎.............
新年look?上年有著唐裝,今年都唔得閒去買........